DİN-dən uşaqların qaçırılması xəbərlərinə reaksiya - iddialar əsassızdır...
Uşaq qaçırılması ilə bağlı sosial şəbəkələrdə yayılan iddialar əsassızdır. Bu barədə Trend-in sorğusuna cavab olaraq DİN-in Mətbuat Xidmətindən məlumat verilib.
Bildirilib ki, polis orqanlarına bununla bağlı hər hansı kriminal tərkibli məlumat daxil olmayıb: “Vətəndaşlara tövsiyə edirik, diqqətli olsunlar, əsası olmayan belə məlumatları paylaşmasınlar. Bütün iddialar üzrə araşdırmalar aparılıb. Belə bir fakt yoxdur, qeydə alınmayıb”.
Qeyd edək ki, sosial şəbəkələrdə uşaqların qaçırılması ilə bağlı səs yazıları yayılmışdı.
