Şirvanda yazıçı Gülzar İbrahimova ilə görüş keçirildi - FOTO
Şirvan şəhəri, Heydər Əliyev Mərkəzində Azərbaycanın görkəmli uşaq yazıçısı, şairi, AYB-nin prezident təqaüdçüsü, uşaqların sevimli nağıl yazarı Gülzar İbrahimova ilə görüş keçirilib.
Görüş Şirvan şəhər Mərkəzi Kitabxanası, Heydər Əliyev Mərkəzi, Şirvan Uşaq Musiqi məktəbi, Şirvan Rəsm Qalereyası, Mədəniyyət Mərkəzi və Şirvan Salyan Təhsil İdarəsinin Şirvan şəhəri üzrə ümumtəhsil məktəblərinin birgə təşkilatçılığı ilə baş tutub.
"Gülzar nənənin sehrli dünyası" altında keçirilən tədbirdə uşaq və yeniyetmələr, uşaq bağçasının fidan balaları və ictimaiyyətin fəal nümayəndələri iştirak ediblər.
Tədbiri giriş sözü ilə Şirvan şəhəri üzrə Mədəniyyət nümayəndəsi Kəmalə Quliyeva açıq elan etdi,, qonaqları salamladı, ona yazdığı gözəl əsərlərə görə minnətdarlıq bildirib, yeni yaradıcılıq uğurları arzuladı.
Uşaqlar tərəfindən Gülzar İbrahimovanın müəllifi olduğu şeirlər səsləndirilib, mahnıları ifa edildi, sözlərinə yazılmış mahnıları əsasında rəqslər ifa edildi.
İştirakçı şagirdlər arasında rəsm müsabiqəsi, Azərbaycanın tarixinin öyrədilməsi məqsədilə təşkil edilmiş Qədim Azərbaycan” krossvord müsabiqəsi və başqa intellektual viktorinalar keçirildi.
Gülzar İbrahimova oxucularını dinlədi, onların istəyi ilə maraqlandı. Təzə əsərləri haqda danışdı, yeni şeirlərini oxudu, Şirvan Mərkəzi kitabxanasına yeni kitablarından hədiyyə etdi. Sərgilədiyi kitablar oxucuların marağına səbəb oldu.
“Yasəmən” uşaq bağçasının uşaqları Gülzar İbrahimovanın sözlərinə yazılmış “Gizlənpaç” mahnısına əyləncəli rəqs nümayiş etdirdilər.
21 saylı məktəbin şagirdləri “Qədim Azərbaycan”krossvord müsabiqəsində iştirak etdilər. Qaliblər diplom və hədiyyələrlə fərqləndirildi.
Məktəblilər Gülzar İbrahimovanın sözlərinə və bəstəkar Elşən Nicatın bəstəsinə yazılmış “Ana dilim” mahnısını ifa etdilər. Çıxış edənlər bütün uşaqları Gülzar nənə Azərbaycan bayrağı olan döş nişanı və suvenirlərlə, hədiyyələrlə sevindirdi.
Həmçinin yazıçı tədbir iştirakçılarına yeni bir kitab haqqında da məlumat verdi. Kitabın adı belə idi: “Ekoloji sivilizasiyanın astanasında: Yaşıl enerjiyə keçid”. Kitabınmüəllifləri Hörmətli ziyalılarımız, alimlərimiz kitabları Şirvan Mərkəzi Kitabxanasına hədiyyə göndərmişdilər.
Tədbirin sonunda xatirə şəkilləri çəkdirildi.
