Türkiyə parlamentinin assuriyalı deputatı ermənilərdən də pis danışdı - nə 3 milyon?...
Azər Həsrət: “O, əgər Türkiyənin tarixini yetərincə bilsəydi bu saxta, havadan götürülmüş rəqəmi səsləndirməzdi”
Türkiyə Böyük Millət Məclisinin assuriyalı deputatı Corc Aslan parlamentdə çıxışı zamanı ermənidən artıq erməni olduğunu ortaya qoyub. Erməni yalanlarına züy tutan deputat qondarma “erməni soyqırımı” “qurbanlarının” və digər “xristianların” xatirəsini yad etməklə kifayətlənməyib qeyri-real rəqəmlər də səsləndirməkdən qalmayıb.
O, 1915-ci ilə qədər Osmanlı Türkiyəsində 13 milyon insanın yaşadığını, bunun 3 milyonunun xristian olduğunu, 2025-ci ildə isə Türkiyədə 50 min xristianın yaşadığını deyib və bildirib ki, 3 milyon xristianın “yoxa çıxıb”. O, 3 milyon xristianın hara yoxsa çıxması ilə bağlı Türkiyə hökumətindən “izahat tələb edib”, “ölkənin 3 milyon xristianı hara getdi?” deyib.
C.Aslan iddia edib ki, guya xristianların sayı azalıb.
Onun ortaya atdığı rəqəmlər nə rəqəmlərdir?
“O Corc Aslan deyilən adam sağa-sola baxsa görəcək ki, o iddia etdiyi 3 milyon xristian hardadır”
C.Aslanın iddialarına münasibət bildirən siyasi ekspert Azər Həsrət “Bakı-Xəbər”ə dedi ki, hər şeydən əvvəl C.Aslan qardaş Türkiyənin istər Türkiyə Cumhuriyyəti, istərsə də Osmanlı imperiyası olaraq tarixini yetərincə yaxşı bilmir: “O, əgər Türkiyənin tarixini yetərincə bilsəydi bu saxta, havadan götürülmüş rəqəmi səsləndirməzdi. İkincisi, əgər o belə bir sulla müraciət edirsə, əlbəttə cavab var. Məsələ ondadır ki, onun iddia etdiyi 3 milyon olmasa da, xristianların böyük əksəriyyəti Türkiyə dövlətinə xəyanət ediblər, onlar bütün cəbhələrdə xarici müdaxiləçilərə qarşı savaşan Osmanlı Türkiyəsinin kürəyinə bıçaq saplayıblar, o əhalinin böyük hissəsi birmənalı şəkildə antiosmanlı hərəkatlarda yer alıblar. Təbiidir ki, bir şəraitdə onlar Osmanlı, sonra da Türkiyə Cumhuriyyətində qalıb yaşaya bilməzdilər. Osmanlı İmperiyası bu və digər şəkildə öz torpaqlarını qorumağa cəhd göstərdi. Məlum və məşhur Çanakkala zəfəri 1915-ci ildə məhz bu cür baş verdi və 1923-cü ildə cumhuriyyət qurulanda artıq hər şey bəlli oldu, indi Türkiyə Cumhuriyyətinin torpaqları müəyyənlışdirildi. Belə bir şəraitdə Türkiyəyə, yaxud ona qədər Osmanlıya xəyanət yolu tutmuş xristianların böyük əksəriyyəti Türkiyədən qaçmaqla məsuliyyətdən yaxa qurtarmağa çalışdı. Bax, bu Corc Aslanın əcdadı da çox güman ki, həmin o xəyanatəkar xristianlar arasında olub, indi adam yaddaşını bir balaca eşələsə, azacıq axtarış aparsa görəcək ki, onun əcdadı bu gün deputatı olduğu Türkiyə dövlətinə necə xəyanət edib. Yəni bu sualı vermək olar. Bəlkə də düşünür ki, yeni nəslin bundan xəbəri yoxdur.
Amma tarix, arxivlər yerindədir, heç kim onların topladıqları faktları dana bilməz. Yəni demək istədiyim odur ki, başda ermənilər olmaqla Türkiyə ərazisindəki olan xristianların böyük əksəriyyəti Osmanlı dövlətinə və qardaş Türkiyəyə xəyanət ediblər”.
A.Həsrət qeyd etdi ki, bu xəyanətlərinə görə də Türkiyədə vəziyyət düzəldəndən sonra orda qalamağa üzləri olmayıb qaçıb dünyaya dağılışıblar. A.Həsrətin fikrincə, belə olmasaydı dünyanın hər yerində Osmanlı, yaxud Türkiyə əsilli xristianlar yoxsa hardan idilər: “Onlar səs səsə verib Türkiyəni müxtəlif məsələlərdə ittiham edirlər. O Corc Aslan deyilən adam sağa-sola baxsa görəcək ki, o iddia etdiyi 3 milyon xristian hardadır”.
İradə SARIYEVA
