Rus səfir saxta genosidi Rusiya və Ermənistanın "ümumi tarix məsələsi" adlandırdı...
Arzuxan Əlizadə: "Bizim torpaqlarımızın işğal olunmasında və 30 ilə yaxı işğal altında qalmasında Rusiyanın xidmətləri kifayət qədər böyükdür"
Rusiyanın Ermənistandakı səfiri Sergey Kopırkin Sputnik Ermənistan radiosunun “Abovyan vaxtı” proqramında deyib ki, "erməni soyqırımı", Böyük Vətən Müharibəsi kimi, Rusiya və Ermənistanın ortaq tarixi təcrübəsidir, tarixi xatırlamaq zərurəti ilə bağlı ciddi dərsdir.
Bu səfir nə danışır - necə yəni "erməni genosid" və İkinci Dünya müharibəsi Rusiya və Ermənistanın ümumi tarixi təcrübısidur? Bu iki məsələdən biri - İkinci Dünya müharibəsi "sovet xalqının" faciəsidir, ikincisi isə - "erməni genosidi" - sovet ittifaqının köməyi ilə guya baş verməsindən 35 il keçəndən sonra uydurulmuş bir siyasi nağıldır.
Səfir bir-biri ilə heç bir əlaqəsi olmayan iki məsələni bir-birinə yamaqlamaqla ermənilərə yaltaqlanmaq istəyir.
Amma bir uyğunluq var ki, "ermeni soyqırımı"nın ssenari müəllifi Rusiyanın sələfi olan SSRİ rəhbəri İosif Stalin, aktyoru isə erməni icmasıdır. Bu baxımdan səfir düz deyir ki, "erməni genisidi" Rusiya və Ermənistanın ortaq "tarixi"dir.
Səfir nasizmin tərənnümünü pislədiyi halda, bəs niyə soruşmur ki, İrəvanda Njde kimi faşiatə heykəli nədən ötrü qoymusunuz?
Baki-xeber.com saytının sualını cavablandıran AMİP sədri, deputat Arzuxan Əlizadə bildirdi ki, Rusiyanın Ermənistandakı səfiri Sergey Kopırkin ilk dəfə deyil ki, belə sərsəm açıqlamaları ilə gündəmə gəlir: "Məsələ burasındadır ki, "erməni soyqırımı" uydurması həmin səfirin təmsil etdiyi ölkənin müxtəlif dövürlərdə verdiyi dəstək sayəsində gündəmdə qalib. Ermənilərə hər müstəvidə dəstək verməklə "Ermənistan" adlı qondarma dövləti yaratmaqla, onu gündəmdə saxlamaqla, özünün forpostuna çevirməklə zamanında Rusiya imperiyasının, ardınca sovetlər birliyinin, daha sonra Rusiya Federasiyasının apardığı siyasət ona xidmət etdi ki, bu qondarma dövlət regionda türk-müsəlman dünyasına qarşı bufer zonası təşkil etsin. Qarabağ probleminin kökundə də Rusya amili xüsusi rola malik olub, bunu heç vaxt unutmaq olmaz. Bizim torpaqlarımızın işğal olunmasında və 30 ilə yaxın işğal altında qalmasında Rusiyanın xidmətləri kifayət qədər böyükdür.
Bu gün Azərbaycan öz gücünə ərazi bütövlüyünu və süverenliyini bərpa etməsindən narahat olan güclərdən biri də həmin səfirin təmsil etdiyi Rusiyadır.
Çox təəssüflər olsun ki, Azərbaycanın yürütdüyü dostluq, qonşuluq, bərabərhüquqlu əməkdaşlıq münasibətlərinə rəğmən Rusiya və onu təmsil edən ayrı-ayrı səfirlər bizə qarşı xoş olmayan açıqlamalarda bulunurlar - Azərbaycana qarşı normal dost və qonşuluq münasibəti göstərmirlər.
Əslində bu qondarma dövlət olan Ermənistan faşist idealigiyası ilə silahlanıb. Ona görə də Njdeya heykəl qoyan bir toplum gündəmdədir.
Rusiya, millətçiliyi ən üstün səviyyədə, ardıcıl olaraq davam etdirən, regiona gəlmə olduğu halda, "dənizdən dənizə dövlət", "böyük ermənistan" və s. xülyalarla silahlanan, bütün qonşularına qarşı ərazi iddıasında olan Ermənistanı dəstəkləməklə böyük yanlışlıqa yol verir. Amma bu heç də erməni sevgisindən irəli gələn məsələ deyil. Rusiya öz maraqları kontekstindən çıxıs edərək Ermənistana dəstəyi veriri. Rusiya bu bölgədə Ermənistan vasitəsi ilə gərginlik yaratmaqla öz siyasi, hərbi və iqtisadi maraqlarını təmin etmək məqsədi güdür.
Səfir bu cür müqayisə aparmaqla Azərbaycanın İkinci Dünya Müharibəsində verdiyi töhfələri nankorcasına arxa plana atılır, unudulur.
Azərbaycan İkinci Dünya Müharibəsində sovet ordusuna 600 mindən çox əsgər verib. Onlardan 300 mindən çoxu şəhid olub.
Azərbaycan nefti olmasaydı SSRİ-nin müharibədə qalib gəlməsi ümumiyyətlə mümkun deyildi. Cəbhədə yanacağa tələbatının 90 faizi Bakı neftinin payına düşüb. Lakin bütün bunlar unudulur. Bu gün Rusiyanın heç bir dərslik kitabinda Azərbaycanın İkinci Dünya Müharibəsində verdiyi töhfə haqqında bir cümlə belə yazılmayıb. Ona görə ki, sözügedən səfirin təmsil etdiyi ölkənin dövlət idealigiyası bundan ibarətdir. Bu da çox təəssüf doğurur, çünki biz həmisə Rusiyaya isti münasibət göstərdiyimiz halda, bunun əksini görmüşük. Səfir də belə danışırsa, həm Ermənistana yaltaqlanmaq istəyir, həm də öz ölkəsinin siyasətini sərgiləyir".
Dəniz NƏSİRLİ
