İrəvanda rus diplomatdan gözlənilməz(?) hərəkət... Putinin sülh siyasəti hara, bu göz yaşı hara...
Faiq Ələkbərli: “Rus diplomatın bu davranışı birmənalı olaraq erməni yalanlarına şərik olmaq və saxtakarlıqdır”
İrəvanda qondarma “erməni soyqırımı” şousuna bəzi ölkələrin Ermənistandakı diplomatları da qoşulub. “Sputnik Ermənistan” Rusiya səfirliyinin müşaviri Maksim Seleznyovun “erməni soyqırımına” həsr olunan sərgidən “duyğulandığını”, sərgidə nümayiş etdirilən “nümunələrə” baxdıqdan sonra göz yaşlarını saxlaya bilmədiyini yazır. Diplomat deyib ki, “erməni xalqının əzabına qərq olub”.
Maraqlıdır, Rusiya təmsilçisi də, başqa ölkələrin diplomatları da 1915-ci ildə Osmanlı imperiyasının ermənilərə qarşı soyqırım həyata keçirmədiyini, əksinə, erməni terror dəstələrinin türklərə qarşı kütləvi qətliamlar törətdiklərini çox yaxşı bildikləri halda erməni yalanlarına alət olurlar, hələ bir “göz yaşı” da tökürlər.
“Seleznyov zəhmət çəkib arxivlərə baxarsa...”
AMEA-nın Fəsləfə və Sosiologiya İnstitutunun şöbə müdiri, fəlsəfə doktoru, siyasi şərhçi Faiq Ələkbərli “Bakı-Xəbər”ə bildirdi ki, rusiyalı diplomatın sözdə “erməni soyqırımına” göz yaşı tökməsi tamamilə saxtakarlıqdır. “Maksim Seleznyovun göz yaşı tökməsi də, orda səsləndirdiyi fikirlər də tamamilə absurddur. Rusiyalı diplomat Osmanlı dövlətinin humanizmini, tolerant siyasət yürütməsini və bütün xalqlara ədalətli yanaşmasını gərək dərindən öyrənsin. Maksim Seleznyov kimiləri bilməlidir ki, dünya tarixində ən böyük cinayəti Rusiya imperiyası, Fransa imperiyası, eyni zamanda ABŞ kimi dövlətlər və onların yanında yer alanlar törədib. Bu bir gerçəklikdir. Xüsusilə Çar Rusiyası dönəmində türk-müsəlman xalqlarına qarşı hansı qətliamlar, qırğınlar törətdiklərini Maksim Seleznyov Moskva və Sanbkt-Peterburq muzeylərinə baxanda daha dəqiq görə bilər. Rus diplomat bilsin ki, qondarma “soyqırımla” bağlı düzənlənmiş saxta sərgidə nümayiş olunanlar “erməni soyqırımı” “faktı” deyil, türk-müsəlman əhaliyə qarşı olan soyqırım faktlarıdır. Bütün faktlar göstərir ki, Osmanlıda soyqırım cinayətləri törədənlər məhz erməni çeteləri və onlarla yanaşı Çar Rusiyasının əsgər və zabitləri olub. Sərgiyə diqqətlə baxsalar bu faktları görə bilərlər. Odur ki, rus diplomatın bu davranışı birmənalı olaraq erməni yalanlarına şərik olmaq və saxtakarlıqdır”.
F.Ələkbərlinin sözlərinə görə, Çar Rusiyası Qarsı, Vanı işğal etdikdən sonra təxminən 30-40 il orda ağalıq edib və erməni terror qrupları ilə rus əsgərləri, zabitləri həmin bölgədə böyük qırğınlar törədiblər. “Əslində 1915-ci il hadisələrinin arxasında Çar Rusiyasının, Böyük Britaniyanın və digər qüvvələrin əli dayanırdı. Qarsda, Artvində, Vanda, Ərzurumda, Axıska bölgəsində, Batumda və digər ərazilərdə türk-müsəlman əhali erməni və rus silahlı birləşmələri tərəfindən məhv edilib. Reallıq budur. Çox təəssüf, biz bu məsələləri qaldırmaqda bir qədər geridə qalırıq ki, bu cür sərgiləri məhz faciəni tördənlərin özləri keçirirlər. Günahkar tərəf kimi isə türk-müsəlman xalqı, Osmanlı dövləti göstərilir. Halbuki, məsələnin necə olduğunu rusiyalı diplomat çox yaxşı bilir. Biz də bilirik ki, daha çox türk-müsəlman əhali genosid edilib”.
F.Ələkbərli qeyd etdi ki, bütün bu faktlar Rusiya arxivlərində, muzeylərində sənədlərdə öz əksini tapıb. “Seleznyov zəhmət çəkib arxivlərə baxarsa o sənədləri görə bilər və göz yaşını qondarma “erməni soyqırımı” “qurbanlarına” yox, türk-müsəlman əhaliyə görə tökər. Seleznyov kimilərinin göz yaşları timsah göz yaşlarıdır, bu, həm də, yenidən ermənilərin rəğbətini qazanıb, onları yenidən Rusiya ilə münasibəti düzəltməyə vadar etməkdən başqa bir şey deyil. O, bununla Rusiyanın ermənilərə ürəyi yandığını göstərmək istəyir, əslində isə bu bir oyundur. Hazırda Rusiya ilə Ermənistan arasında münasibətlər getdikcə gərginləşir, diplomat da öz aləmində məsələni yumşaltmaq istəyir.
Amma soyqırımla bağlı əsl həqiqət budur ki, 1915-ci ildən əvvəl və sonra ən çox əziyyət çəkən, soyqırıma məruz qalan türk-müsəlman əhali olub”-deyə F.Ələkbərli bildirdi.
İradə SARIYEVA
%20h%C9%99r%C9%99k%C9%99t...%20%20Putinin%20s%C3%BClh%20siyas%C9%99ti%20hara%2C%20bu%20g%C3%B6z%20ya%C5%9F%C4%B1%20hara...%5Cn%22%2C%22image%22%3A%22https%3A%2F%2Fwww.baki-xeber.com%2Fmedia%2F2025%2F04%2F24%2Fmaksim_selez.jpg%3Fv%3D1745502301%22%2C%22iframe_v2%22%3Afalse%2C%22iframe_v3%22%3Afalse%2C%22t%22%3A0%2C%22cg%22%3A%7B%22isPrivate%22%3Afalse%2C%22browserName%22%3A%22Chromium%22%7D%7D%2C%22config%22%3A%7B%22page_url%22%3A%22https%3A%2F%2Fwww.baki-xeber.com%2Fsiyaset%2F227021.html%22%2C%22referrer%22%3A%22%22%2C%22user_id%22%3A%22d6f6ee9e-232f-4ebc-9677-1f0232ef17a9%22%7D%7D&cb=0.842371290747117){kind=spacer}