Qazaxıstandan daha bir qalmaqallı addım - Tokayev Cənubi Kiprlə imzalanmış sazişi təsdiqlədi
Xəbər verildiyi kimi, Avropa Komissiyasının sədri Ursula Von Der Leyenin Orta Asiya ölkələri ilə imzaladığı 12 milyard avroluq müqavilədən sonra Qazaxıstan, Qırğızıstan, Türkmənistan, Tacikistan və Özbəkistan Türkiyəyə qarşı təpki çəkən bir addım atdı.
Yunan Kiprini “Kiprin yeganə qanuni hökuməti” kimi tanıyıb. Türkiyənin "işğalçı dövlət" kimi tanındığı qalmaqallı addımdan sonra Qazaxıstan yunan Kipri ilə əməkdaşlıqla bağlı daha bir addım atıb. Birgə bəyannamə ilə beş ölkə BMT Təhlükəsizlik Şurasının 4-cü maddəsinə əsasən qəbul edilmiş qətnamələrə sadiq olduqlarını bəyan ediblər və bu qərarla türk dövlətləri Türkiyəni rəsmi olaraq Kiprdə “işğalçı güc” kimi qəbul ediblər.
Bu qalmaqallı addımdan Qazaxıstan prezidenti Kasım-Jomart Tokayev Cənubi Kiprlə imzalanmış “Məhkumların əkstradisiyası haqqında saziş”i rəsmən təsdiqləyib.
Məlumata görə, saziş ötən ilin martında Astanada imzalanıb. Qazaxıstan Senatı aprelin 10-da sazişi təsdiqləyib.
Razılaşmaya əsasən, hər iki ölkə məhkum olunmuş vətəndaşlarını qarşılıqlı surətdə təhvil verə biləcəklər və bu şəxslər cəzalarının qalan hissəsini öz ölkələrində çəkəcəklər.
Bu sazişin imzalanması mərasimi martın 25-də Astanada Kiprin yunan tərəfinin qondarma xarici işlər nazirinin Qazaxıstana səfəri zamanı keçirilib. O zaman bəzi dairələr Kiprin türk tərəfini tamamilə kənarlaşdırmaq və yalnız yunan tərəfi ilə belə hüquqi əməkdaşlığa girmək qərarını “birtərəfli tanınma” və “ŞKTC-nə diplomatik zərbə” kimi qiymətləndirirdilər.
TAHİR
