Bu qərar Paşinyanın devrilməsinə səbəb ola bilər...
Paşinyan Ermənistan dövlətini və onun vətəndaşlarını dünya erməniliyinin caynağından xilas etmək istəyir
Paşinyan artıq qərar verdi ki. Konstitusiyada Müstəqillik aktına istinad olmamalıdır. Ermənistanın Baş naziri Nikol Paşinyan parlamentdə jurnalistlərə açıqlamasında bildirib ki, onun fikrincə, yeni Konstitusiyanın mətnində Müstəqillik bəyannaməsinə istinad olmamalıdır.
Qeyd edək ki, Müstəqillik bəyannaməsində Azərbaycana qarşı ərazi iddiaları yer alır. Bəyannamədə keçmiş Dağlıq Qarabağın Ermənistana birləşdirilməsinin zəruriliyi ilə bağlı bənd var. Azərbaycan isə buna kəskin etiraz edir, Ermənistanla sülh sazişinin imzalanması üçün Konstitusiyada dəyişiklik edilməsini şərt kimi irəli sürüb.
Bundan sonra Nikol Paşinyanı daxili siyasətdə nələr gözləyir?
Baki-xeber.com saytı bildirir ki, Paşinyanın bu bəyanatı erməni müxalifəti üçün əvəzedilməz bir alibidir. Sarkisyan dərhal bəyanat verəcək ki, Paşinyan İlham Əliyevin sifarişlərini yerinə yetirir və bununla da ermənilərə xəyanət edir. Bu, müxalifət üçün gözəl bir fursət olsa da, Ermənistanda müxalifət cox zəif və miskin durumdadır - ona inananların sayı isə çox azdır. Təsəvvür edin, erməni cəmiyyəti Rusiya yönümlu Koçaryan-Sarkisyan hakimiyyətindən o qədər bezib ki, Ermənistanın 44 günlük müharibədə biabırçı məğlubiyyətindən sonra belə Nikol Paşinyana səs verdi. Həmin dövrdən artıq 4 il keçib. Bu dövr ərzində müxalifət bir necə dəfə dircəlib, cəmiyyət içinə çıxmaq, hərəkat başlatmaq istədi. Bütün cəhdlər uğursuzluğa dücar oldu. Düşünürük ki, o cəhdləri sadalamağa belə lüzum yoxdur. Hazırda isə Paşinyan artıq Azərbaycanla sülh müqaviləsinin mətnini razılaşdırıb, digər şərtlərdə də müəyyən fikir birliyi var. Bunu Paşinyan bütun tribunalardan Ermənistan dövlətinin böyük uğurü kimi qələmə verə bilir.
Üstəgəl, hüquq-mühafizə orqanları tərəfindən aparılan müxtəlif yönümlu istintaq da müxalifətin sıralarını seyrəltməkdədir. Yəni Paşinyan bütün cəbhələrdə gələnilki seçkilərə hazırlaşır və bu onda heç də pis alınmır. Cəmiyyət bu gün hər vəchlə ölkənin Rusiyanın inhisarindan çıxarılmasını, Türkiyə və Azərbaycanla münasibətlərin normallaşmasyıni istəyir. Cəmiyyət müharibədən, düşnənçilikdən və onun fonunda verilən itkilərdən bezib. Orta statistik erməni ölkədə rahat yaşamaqdan başqa hec nə istəmir. Ona görə də Paşinyan hakimiyyəti məhz bu menyuya işləyir.
Baş nazir atdığı hər bir addımı da məhz bu prinsiplə bağlamaği bacarır. Əgər Paşinyan Ermənistan parlamentindən "böyuk Ermənistan"ın xülya, "erməni soyqırımı"nın qondarma olduğunu, soyqırıma məruz qalan ermənilərin adlı siyahısını tələb edəndə erməni cəmiyyəti onu devirmədisə, deməli o cəmiyyət konstitusiya dəyisikliyinə çağıranda da onu devirməyəcək. Bu gün əslində Paşinyan Ermənistan dövlətini və onun vətəndaşlarını dünya erməniliyinin caynağından xilas etmək istəyir. Ən azı bu belə görünür. Buna nə qədər nail olacaq, onu zaman göstərəcək. Amma bu ideya erməni cəmiyyətinin ürəyindəndir. Odur ki, xalqı konstitusiya dəyişikliyinə çağırdığına görə Paşinyanı heç bir qüvvə təhdid edə bilməyəcək. Digər sensasion açıqlamaları kimi, Ermənistan cəmiyyəti Paşinyanın bu bəyanatını da həzm edəcək. Çunki başqa çıxış yolu yoxdur.
Akif NƏSİRLİ
