Saxta “erməni genosidi” tarixinin uydurma "sübutları" Marseldən İrəvana daşınır...
Fransa yenə "erməni soyqırımı" təxribatına əl atdı. Marseldəki saxta soyqırım eksponatları İrəvanda keçrilən sərgidə nümayiş etdirilcək.
Erməni mediası yazır ki, guya Trabzonda tikilmiş qadın ayaqqabıları, Nansen qaçqın pasportu, fransız dilini öyrənmək üçün əlyazma kitabçası, solğun ağ-qara fotoşəkillər və sair eksponatlar sırasına daxildir.
Bu köhnə əşyaların orijinallığına necə inanmaq olar?
Əli Orucov: "Türkiyə dəfələrlə arxiv sənədlərinin açılmasına və həmin sənədlərin tarixçilərin, araşdırmaçıların ixtiyarına verilməsinə səsləsə də, ermənilər bundan yayınır"
Baki-xeber.com saytının sualını cavablandıran politoloq Əli Orucov bildirdi ki, ermənilər qondarma genosid iddialarını həyata keçirmək üçün illər uzunu ağılasığmaz yalanlara, saxtakarlıqlara və uydurmalara əl atmaqla beynəlxalq ictimaiyyəti çaşdırmağa çalışmaqdadır: "Türkiyə dəfələrlə arxiv sənədlərinin açılmasına və həmin sənədlərin tarixçilərin, araşdırmaçıların ixtiyarına verilməsinə səsləsə də ermənilər bundan yayınır. Bilirlər ki tarixdə "erməni soyqırımı" adlandırılan soyqırım baş verməyib. İndi də güya maddi sübutlarla bunu nümayiş etdirməyə çalışırlar. Adəti üzrə hər il 24 apreldə Türk düşmənləri olan ermənilər bu günü fürsət bilərək, çirkin və qərəzli kampaniyalarının rəngini daha da tündləşdirirlər. Türklərə və islam dünyası ilə tarixi düşmənçilik edən və türkfobiya və islamafobiyanın geniş yayıldığı Fransa kimi keçmişi qanla ləkəli olan ölkələr daha çox canfəşanlıq göstərir. Halbuki, Ermənistanın baş naziri N.Paşinyan "erməni soyqırımı" iddialarının əsassız olduğunu və bunu SSRİ-nin Türkiyəyə qarşı uydurduğunu etiraf edib. Həmçinin həmin iddiaların Ermənistanın varlığı və inteqrasiyası üçün təhlükəli və zərərli olduğunu anlayaraq, bundan imtina etmənin vacibliyini vurğulayıb. Bundan sonra Fransanın ermənidən çox ermənilik etməsinin səbəblərini izah etməkdə heç bir çətinlik qalmır. Ermənistandakı revanşistlər hər vəhclə regionda xalqlar arasında düşmənçilik toxumunu səpməklə və belə əhval-ruhiyyəni artırmaqla əslində özlərinə zərər vururlar.
Sərgi adlandırdıqları bu oyunbazlıqda nümayiş etdirilən "eksponatlar" da ciddi şübhələr doğurur. Erməni ictimaiyyəti illər uzunu bu yalan və saxta təbliğatla türkə və azərbaycanlılara qarşı zəhərlənərək nifrət hissləri ilə tərbiyələndirildiyindən, həqiqəti və reallıqları görüb düzgün dəyərləndirə bilmir. Bu da onları faciələrə gətirib çıxarır, məhvə sürükləyir. Bu kimi yad və xəstə təfəkkürdən əl çəkməyncə ermənilərə və Ermənistana nicat yoxdur".
Akif NƏSİRLİ
