Xəyal Müəzzin: “İrana qarşı istənilən təhdid uğursuzluğa məhkumdur”
İranlı jurnalist Xəyal Müəzzin ABŞ prezidenti Donald Trampın İranı “görünməmiş bombardmanla” hədələməsi xəbərini “Alpha News”a şərh edərkən deyib:-"Ruhani liderimiz bir neçə dəfə bəyan edib ki, Amerika ilə danışıqlar hörmətə layiq deyil və bu bu danışıqlar heç bir nəticə verməyəcək. Vaşinqton psixoloji şantaj və strateji eskalasiya xəttini davam etdirir. Donald Trampın İranı görünməmiş bombardmanlarla hədələdiyi son bəyanatı informasiya elementindən başqa bir şey deyil”-deyə Müəzzin bildirib. İranlı jurnalistə görə, ABŞ Yəmənə qarşı müharibədə tam uğursuzluğa düçar olduqdan sonra Ağ Ev diqqətini İrana yönəltməklə strateji məğlubiyyətini bu təhdidlərin köməyi ilə kompensasiya etməyə çalışır”. Bununla belə, Amerika tərəfi çox yaxşı başa düşür ki, İrana qarşı istənilən hərbi avantüra regional fəlakətə gətirib çıxaracaq və bu təkcə ABŞ-ın maraqlarını deyil, həm də müttəfiqlərinin sabitliyini təhlükə altına atacaq.
Vaşinqton artıq tammiqyaslı psixoloji hücum mərhələsinə keçib, məqsədi isə Tehranın strateji təmkinini pozmaqdır. Amma tarix sübut edib ki, İran heç vaxt təzyiqlərə boyun əymir və İrana qarşı təhdidlərin tətbiq olunduğu istənilən ssenari uğursuzluğa məhkumdur”, - deyə Müəzzin yekunlaşdırıb.
Surxay Əliyev
