Ermənistan parlamenti Səməd Seyidovu görüşə çağırdı…
Ermənistan parlamentinin xarici əlaqələr üzrə daimi komissiyasının sədri Sarqis Xandanyan Azərbaycan Milli Məclisinin Xarici Əlaqələr Komissiyasının sədri Səməd Seyidova komissiyaların birgə iclasının keçirilməsini təklif edib.
Ermənistan və Azərbaycanın saziş layihəsi üzrə razılığa gəldiyini və bu, sənəd üzrə danışıqların başa çatdığını qeyd edən Xandanyan bildirib ki, bu görüş sülh sazişi layihəsi və onun ratifikasiya prosesi ilə bağlı müzakirələr və fikir mübadiləsi aparmaq imkanı verəcək. O, görüşün Ermənistan-Azərbaycan sərhədində yerləşən neytral zonada keçirilə biləcəyini deyib.
Ancaq çox ehtimal ki, Azərbaycan dövləti belə bir görüşü lazım bilməyəcək. Çünki Ermənistan rəsmilərinin son açıqlamalarından görünür ki, İrəvan hələlik sülh sazişi imzalamağa hazır deyil. Və belə bir vəziyyətdə saziş mətninin müzakirəsinə nə ehtiyac var…
TAHİR
