Paşinyançılar gözləyirdi ki, türk jurnalisti İrəvanı “erməni şəhəri” adlandıracaq...
Qasım Hacıyev: “CNNTürk kanalının redaktorunun təqdim etdiyi faktların hamısı tam reallığı əks etdirir və bu erməni saxtakarlığına tutarlı bir zərbədir, bu da onları narahat edir”
Bugünlərdə Ermənistanın dəvətilə İrəvana gələn Türkiyə jurnalistləri Paşinyan administrasiyasının “gözləntilərini” doğrultmayıb. Belə ki, Türkiyənin CNNTürk telekanalının redaktoru İdris Arıkanın İrəvan səfərindən hazırladığı "Blokadada olan ölkə - Ermənistanda nə danışırlar?" reportajı ermənilərin narazılığına səbəb olub.
İdris Arıkanın 26 dəqiqəlik reportajında İrəvanın qədim türk şəhəri və burada yerləşən Göy məscidinin isə türk məscidi olduğunu vurğulmasından ermənilər yaman qeyzləniblər.
"Yerevanın türkcə adı İrəvandır. Yəni əslində bu, türk tarixində yeri olan bir şəhərdir", - türkiyəli jurnalist Göy məscidin fonunda bəyan edib və onun İrəvanda qalan yeganə məscid olduğunu vurğulayıb.
"Tarixə nəzər salsaq, məscidin tikintisi 1700-cü illərə təsadüf edir", - deyə qeyd edən jurnalist onun qədim İrəvan xanlığı bölgəsində, Hüseynəli xanın dövründə tikildiyini deyib.
Təbii ki, erməni mediası da öz çirkin ənənəsinə sadiq qalaraq türkiyəli jurnalistləri qaralamağa çalışıblar və Aysor.am saytında gedən məqalədə İrəvanın məşhur Göy məscidi “Fars məscidi” olaraq qələmə verilib. İddia olunub ki, jurnalist guya “Fars, yaxud İran məscidini” “saxtalaşdırıb”.
Əslində bu absurd iddiadır və İrəvanın da, Göy məscidin də tarixi məlumdur və jurnalist həmkarımız da tarixi gerçəkliyi ifadə edib. Paşinyan hökuməti yəqin gözləyirmiş ki, İdris Arıkan İrəvanı “erməni şəhəri”, Göy məscidi isə onların özləri kimi “fars məscidi” adlandıracaq, amma bu baş verməyib. Bu da erməni mətbuatına yaman bərk yer edib və yeni dezinformasiyalar yaymağa “həvəsləndirib”.
“Bu bədbəxt ermənilər türkiyəli jurnalistə qara yaxmaq əvəzinə öz ayıblarına kor olsaydılar daha yaxşı olardı”
Tanınmış tarixçi alim, professor Qasım Hacıyev “Bakı-Xəbər”ə bildirdi ki, son günlər erməni mətbuatında tarixi saxtalaşdırma istiqamətində aktivlik müşahidə olunur. Bu gün Ermənistanın nə siyasi, nə strateji, nə hərbi gücü qalmadığından dezinformasiyalara baş vurduqlarını deyən Q.Hacıyevin sözlərinə görə, İrəvanın tarixi, İrəvandakı Azərbaycan abidələri ilə bağlı böyük saxtalaşdırma işlərinin aparıldığını deyən Q.Hacıyev qeyd etdi ki, ermənilərin dağıtmadığı bir-iki abidədən biri İrəvandakı Göy məsciddir, İrana xoş gəlmək üçün onu da “fars, İran məscidi” kimi qələmə verirlər. “Çox təəssüf ki, Ermənistan baş verənlərdən ciddi nəticələr çıxarmaq əvəzinə saxtakarlıqların arxasınca qaçırlar, tarixi, mədəni, dini abidələrimizə qarşı saxtalaşdırma işləri aparırlar. Tarixi faktdır ki, İrəvan türk şəhəridir və Göy məscid də 1766-ci ildə İrəvan xanı Hüseynəli xanın əmri ilə tikilib və Azərbaycan qiymətli memarlıq nümunələrindən biridir. Bu inkar edilməzdir. CNNTürk kanalının redaktorunun təqdim etdiyi faktların hamısı tam reallığı əks etdirir və bu erməni saxtakarlığına tutarlı bir zərbədir, bu da onları narahat edir. Bu bədbəxt ermənilər türkiyəli jurnalistə qara yaxmaq əvəzinə öz ayıblarına kor olsaydılar daha yaxşı olardı.
Təkcə türkiyəli jurnalistlər yox, bütün dünya bilir ki, İrəvan da, Qərbi Azərbaycanın digər şəhərləri, kəndləri ermənilər ora köçürülməmişdən çox-çox əvvəllər salınıb, inşa edlib”.
Q.Hacıyevin sözlərinə görə, indki Ermənistan ərazisində olan türk abidələrinin hamısı yerlə-yeksan edilib, İrəvanın Təpəbaşı məhəlləsi sökülüb, onun tək-tük nişanəsi qalıb, İrəvan şəhərindəki Göy məscid "fars məsci", İrəvan yaxınlığındakı Əmir Səəd məqbərəsini isə "türkmən abidəsi" kimi qələmə verilir. “Ermənilər saxtakarlıq edirlər, İrəvanda Göy məscid tikiləndə orda fars nə gəzirdi? Ümumiyyətlə, orda mövcud olmuş abidələrin bizdən başqa heç kəslə bağlılığı yoxdur, o abidələri türklər yaradıb. Ordakı bütün abidələrin şəkilləri var, barələrində məlumatlar mövcuddur, bu barədə beynəlxalq jurnallarda, toplularda, kitablarda məlumatlar, fotoşəkillər öz əskini tapıb. Amma ermənilərin bu qədər absurd fikirlər səsləndirməsi savadsızlıq, tarixi saxtalaşdırmaqdır”-deyə Q.Hacıyev bildirdi.
Professor Hacıyev qeyd etdi ki, CNNTürk-ün redaktoru tamamilə haqlıdır, onun sözlərinin hamısı həqiqətdir. “Türkiyəli jurnalistin dedikləri doğrudur, gerçəklikdir, Ermənistan batıb gedir, onun Türkiyə ilə əlaqələri bərpa etməkdən, güzəştlərə getməkdən, şərtləri qəbul etməkdən başqa çarəsi yoxdur. Yaşamaq istəyirlərsə bunu etməlidirlər. Əks halda onlar o torpaqlarda qalası deyillər. Çünki ermənilər ac qalanda çörək tapacaqları ölkələrə qaçırlar. Onların qədim torpaqları yoxdur, bu səbəbdən də yaşadıqları torpaqlara məhəbbətləri yoxdur.
İrəvan da, Göy məscid də Azərbaycan türklərinə məxsudur, bizim irsimizdir. Odur ki, ermənilər bu kimi hücumlarla, dezinformasiyalarla yalandan özlərini yormasınlar”-deyə Q.Hacıyev bildirdi.
İradə SARIYEVA
