Klopp "Real"ın sükanı arxasına keçir?
Yurgen Klopp barədə yeni məlumat medianın gündəminə gəlib. Xarici KİV yazır ki, "Liverpul"un sabiq baş məşqçisi yenidən məşqçilik fəaliyyətinə geri dönür. “TBR Football” nəşri məlumat yayıb ki, almaniyalı mütəxəssisin Madrid "Real"ının baş məşqçisi olmaq ehtimalı yüksəkdir. Hazırkı vəziyyətdə o Madrid təmsilçisində indiki baş məşqçi Karlo Ançelottinin ideal varisi hesab olunur. Çünki Yurgen Klopp ulduzlarla işləməyi və gəncləri inkişaf etdirməyin yollarını bilir.
Mütəxəssis işə başlamağa tələsmir. Lakin "Real"dan gələcək təklifin onun fikrini dəyişəcəyinə inanılır. Klopp 2015-2024-cü illərdə "Liverpul"a baş məşqçilik edib. O, hazırda "Red Bull"da futbol bölməsinin rəhbəridir.
Mətləb
