Slovakiyanın müdafiə nazirinin Ermənistanı işğalçı adlandırması ermənilərə "od qoydu"
Ermənistanın “Hetq” nəşri yazır ki, Slovakiyanın müdafiə naziri Robert Kalinyak bu ilin fevral və mart aylarındakı müsahibələrində iki dəfə Ermənistanın Azərbaycan ərazilərini işğal etdiyini bildirib. Lakin Nikol Paşinyan hökuməti buna qarşı heç bir cavab addımı atmayıb, izahat tələb etməyib və Slovakiyaya etiraz notası göndərməyib. Ermənistanda olduğu kimi Slovakiyada da dövlətin siyasi lideri baş nazirdir. 2023-cü ildən bu vəzifəni Robert Fiko tutur. O, artıq 2006-2010 və 2012-2018-ci illərdə Slovakiyaya rəhbərlik edib. Robert Kalinyák Fikonun Smer-SD partiyasının (hazırkı koalisiya hökumətində və Slovakiya parlamentində hakim qüvvə) üzvü və ölkənin ən nüfuzlu siyasi xadimlərindən biridir. 2023-cü ildən Kalinyak təkcə müdafiə naziri deyil, həm də dörd vizual baş nazirdən biridir.
“Hetq” nəşri qeyd edir ki,Kalinyak bir ay ərzində iki dəfə Ermənistana qarşı bəyanatlar verib. Fevral ayında Robert Kalinyak yerli TA3 telekanalına müsahibə verərək Ermənistanın “guya” Azərbaycan ərazisini, yəni “Artsaxı” işğal etdiyini bildirib. Fevralın 21-də bu müsahibə Smer-SD partiyasının və Kalinyakın özünün rəsmi Facebook səhifələrində də yerləşdirilib. Slovakiyanın indiki rusiyayönlü hökumətini təmsil edən R. Kalinyak Rusiya-Ukrayna müharibəsi kontekstində jurnalistin Ukraynada seçkilərin keçirilə bilməz, çünki ölkənin Konstitusiyası işğal zamanı onların təşkilatlanmasını qadağan etdiyinə dair sözlərini şərh edərkən deyib: "Əgər Ukrayna yeganə işğal olunmuş ölkə olsaydı, mən heç nə deməzdim. Amma Kiprdə ölkənin üçdə birinin 40 ildir işğal altında olmasına baxmayaraq, seçkilər yaxşı gedir. Bu, birinci haldır. İkinci hal isə, bir çox başqa ərazilərdə də seçkilərin keçirilməsidir. Ermənistanın Azərbaycan ərazilərinin işğalından sonra da bu işğala baxmayaraq Azərbaycanda müəyyən proseslər baş verib".
“Hetq.am” təssüflə qeyd edir ki,lakin Ermənistan XİN Slovakiya hakimiyyətinə heç bir etiraz notası göndərməyib və bu səbəbdən də Robert Kalinyak “saxta” Azərbaycan tezislərini yaymaqda davam edir. Nəşr qeyd edir ki, mövzu ilə bağlı xarici işlər naziri Ararat Mirzoyana bir neçə sual göndərdik, onlardan hər birinə ayrıca cavab verməsini istədik. Məsələ burasındadır ki, bizim dövlət qurumları özləri üçün xoşagəlməz suallara konkret cavab verməkdən yayınır, qeyri-müəyyən formalarla kifayətlənirlər.
Surxay Əliyev
