Hökumətə qarşı minlərlə israilli etiraza qalxdı
İsraildə minlərlə insan bazar ertəsi, aprelin 7-də Təl-Əvivin mərkəzində nümayiş keçirmək üçün yenidən küçələrə axışıb. Etirazçılar hakimiyyətdən 2023-cü il oktyabrın 7-də əsir götürülən israilli girovların azad edilməsi üçün HƏMAS-la razılığa gəlməsini tələb ediblər. Nümayişçilərin bir çoxu Qəzza zolağında müharibənin davam etdirilməsinə qarşı çıxıb.
Plakatlarında yazılan şüarlar arasında: “Nə qədər qan töküləcək?”,"Müharibəni dayandırın" kimi şüarlar da yer alıb. Nümayiş İsrailin baş naziri Benyamin Netanyahunun Vaşinqtona səfəri zamanı baş verdiyi üçün nümayiş iştirakçıları, o cümlədən HƏMAS yaraqlıları tərəfindən bu yaxınlarda azad edilmiş girovların bəziləri, həmçinin onların ailələri və tərəfdarları ABŞ prezidenti Donald Trampı müharibənin dayandırılmasına kömək etməyə çağırıblar. Bundan əlavə, etirazçılar Binyamin Netanyahu hökumətinə, xüsusən də İsrail Təhlükəsizlik Xidmətinin (Şabaq) rəhbəri Ronen Barın işdən çıxarılması qərarına etirazlarını bildiriblər. Hansı ki,Agentlik, digər məsələlərlə yanaşı, Netanyahunun etibarlı adamları ilə Qətər arasında qeyri-qanuni əlaqələri də araşdırır. Ali Məhkəmə (Ali Məhkəmə, BAGATS) Ronen Barın işdən çıxarılmasına müvəqqəti qadağa göstərişini verib, iclas aprelin 8-nə təyin edilib.
Martın 18-də İsrail Qəzza zolağına hava zərbələrini bərpa edib. Martın 19-da quru əməliyyatı da bərpa edilib. Hökumət iddia edir ki, onun məqsədi hələ də əsirlikdə olan girovların azad edilməsi üçün HƏMAS-a təzyiqi artırmaqdır.
Surxay Əliyev
