Trampın ABŞ -ı qaytarmaq istədiyi "qızıl dövr" nə vaxt olub və hansı "dağların arxasında qaldı"?.....
"Amerikanın prezidenti cənab Tramp çox iddialı əda ilə dünyaya "ABŞ - ın qızıl dövrünü və ya dövrlərini" geri qaytaracağını bəyan edir. Noolar, desin, sözlərə sayqac qoyulmayıb ki....
Ancaq Tramp unutduğu üçünmü, ya nədənsə ABŞ - ın "qızıl dövrlərinin" nə zaman olduğunu və hansı "dağların arxasında qaldığını" hələ açmır.... Bəlkə deyəcək, mən sadəcə yada salıram ki, Tramp prosesi bir az sürətləndirsin və ABŞ - ın " qızıl dövrləri" deyəndə hansı illəri,ya on illəri, ya əsrləri nəzərdə tutduğunu konkretləşdirsin...."
Bunu "Bakı-Xəbər" Media Qrupunun rəhbəri, politoloq Aydın Quliyev öz Facebook səhifəsində yazıb. A.Quliyev daha sonra yazır: "Yadıma bir vaxtların sovet vətəndaşı olaraq "bütün maddi və mənəvi rifah mənbələrinin birləşərək sel kimi axacağı kommunizm cəmiyyətinin" intizarla gözləndiyi zamanlar düşdü. Çox gözlədilər , milyonlarla insanın gözünün kökü saralaraq dünyadan nakam getdi, fəqət "küçələrdə sel kimi axan rifahları" görmədilər.1991- ci ilədək sağ qalanlar isə bir gün ayrıldılar ki, "kommunizmin sel kimi axan rifah dolu vaqonları", heç kimin əlinin bir daha yetməyəcəyi uzaq - uzaq keçmişlərdə qaldı..
Mən sovetizmin və ya kommunizmin nastolgiyası ilə danışmıram. Onu demək istəyirəm ki, kommunizm "hər nəmənə" idisə insanlar daha yaxşı quruluşu axtara- axtara onun yanından ötüb keçdilər. İndi nə qədər axtarsalar da, heç kim tapa bilmir, hətta axtardığının nə olduğunu belə bilmir....
Niyə keçmişi xatırladım? Lütfən, Siz deyin..."
Mətləb
DİGƏR XƏBƏRLƏR
VİDEO
Populyar xəbərlər
XƏBƏR ARXİVİ
Aprel
B.eÇ.aÇC.aCŞB
311234567891011121314151617181920212223242526272829301234567891011
