Almaniya prezidenti Ştaynmayerin “Qarabağ Azərbaycandır” deməsi ermənilərə “od qoydu”
Almaniya prezidenti Frank-Valter Ştaynmayer instaqram hesabında bölgənin,yəni Qarabağın Ermənistana aid olması barədə yazısından sonra Qarabağ Azərbaycandır deyib.O,bunu Azərbaycan prezidenti İlham Əliyevlə təkbətək danışıqlardan sonra deyib. “Biz həmişə demişik ki, bu, sizin [Azərbaycan] ərazidir və bu gün biz Almaniya olaraq bunu birbaşa və aydın şəkildə təsdiqləyirik”, - deyə Almaniya Prezidenti bildirib. Almaniya prezidenti Azərbaycan və Ermənistanı sülh müqaviləsinin mətninin razılaşdırılması münasibətilə təbrik edib. O, Bakı və İrəvanı bu anı qaçırmamağa və müqaviləni mümkün qədər tez imzalamağa çağırıb. “Çox böyük addım atılıb”. Mən Prezident Əliyevlə danışdım və ümidvar oldum ki, biz tezliklə sülh müqaviləsinin imzalanmasının şahidi olacağıq və bölgəyə davamlı sülh gələcək. “Mən böyük ümidlər bəsləyirəm və tərəfləri bütün çətinliklərə və çağırışlara baxmayaraq, bu anı qaçırmamağa çağırıram” deyə Ştaynmayer vurğulayıb. Onun fikrincə, prosesi başa çatdırmaq üçün tərəflər siyasi iradə nümayiş etdirməlidir. "Mən əminəm ki, bu baş verəcək"-deyə Almaniya prezidenti yekunlaşdırıb.
Surxay Əliyev
