“Artsax” sakinləri Vitali Balasanyandan izahat tələb etdilər
Ermənistanın “VERELQ” yerli mətbuatın icmalını təqdim edir. “Hraparak” qəzeti yazır: “Şənbə günü Azadlıq Meydanında “Artsax” sakinlərinin təşkil etdiyi mitinqdən sonra “insident” baş verdi.Mitinqə gələn “Artsax”ın bir qrup siyasi və ictimai xadimi Meydana yaxınlaşarkən “DQR”in keçmiş rəhbəri Vitali Balasanyanı görüb ondan azərbaycanlılarla hansı danışıqlar apardınız ki, bu danışıqlar “Artsaxın” süqutuyla nəicələndi deyə izahat tələb ediblər.
“Hraparak”nəşri xatırladır ki, 44 günlük müharibədən sonra Rusiya sülhməramlı komandanlığı ilə isti münasibətdə olan Balasanyan azərbaycanlılarla danışıqlar aparıb. “Artsax” xalqı da müharibədən iki il sonra Paruxun təslim olmasında Vitonu günahlandırdı. Balasanyan isə bildirib ki, bütün bunlarla onun heç bir əlaqəsi yoxdur və onların ittihamlarının ünvanı o deyil, Parux da təslim ola bilməz, çünki o, Təhlükəsizlik Şurasının katibi olduğundan qoşunların çıxarılması əmrini verə bilməz, bu əmri Müdafiə Ordusunun komandanı Kamo Vardanyan verib deyərək onları Vardanyana yönəldib. Orada olanlarda belə bir təəssürat yarandı ki, Vardanyanın Ermənistan hakimiyyəti ilə isti münasibətləri sayəsində o, bu itkilərə görə məsuliyyət daşımır”.
“Joqovurd” qəzeti yazır: “Joqovurd qəzetinin məlumatlı mənbələri xəbər verir ki, Ermənistan Respublikasının daxili işlər naziri Arpine Sarkisyan uşaq gözləyir. Onu da deyək ki, o, uzun illərdir evlidir, amma ilk övladı indi dünyaya gəlmək üzrədir. “Joqovurd” qəzeti onu da öyrənib ki, sistem Arpine Sarkisyanı çox da qəzəbləndirməmək üçün onu əsirgəməyə çalışır, çünki o, elə bir vəziyyətdədir ki, təkcə öz sağlamlığı haqqında deyil, həm də bətnindəki körpəsinin sağlamlığı haqqında düşünməlidir. Və bu sistem üçün olduqca qeyri-adi bir vəziyyətdir. Beləliklə sistem onun üçün qeyri-adi olan güc strukturuna qadının başçılıq etməsiylə kifayətlənmir,həm də hesab edir ki,o, ana olur, ona aman verilməlidir.
“Gündəlik “Joqovurd” qəzeti isə öyrənib ki, Arpine Sarkisyan analıq məzuniyyətinə görə bir neçə ay işə çıxmayacaq.Bu isə o deməkdir ki, Nikol Paşinyan Arpine Sarkisyanı əvəz edəcək başqasını axtarmalı olacaq”.
Surxay Əliyev
