"Makron Fransada despot rejim yaradıb"
Mətləb Salahov: “Marin Le Pen barəsindəki sifarişli məhkəmə qərarı Fransada qanunların siyasi rejimə tabe edildiyini göstərdi”
“Fransa Prezidenti Emmanuel Makron daha bir addımı ilə ölkəsində demokratiyanın kökünü tamamilə qazaraq, şəxsi rejim yaratdığını sübut etdi. Fransanın Milli Birlik Partiyasının parlament fraksiyasının rəhbəri Marin Le Penin seçki hüquqlarından məhrum edilməsi barədə məhkəmə qərarı birbaşa Fransa hakimiyyətinin siyasi maraqları üzərində qurulub. Çünki Makron seçkiyə qədərki müddətdə əsas rəqiblərindən birini bu yolla zərərsizləşdirməklə özünə alternativ namizədlərin sayını minimuma endirməyi planlaşdırır.”
Bu barədə “Bakı xəbər”ə açıqlamasında jurnalist-ekspert Mətləb Salahov bildirib. M.Salahov bildirib ki, son iki il ərzində Fransa hakimiyyətinin sosial və siyasi sektorda apardığı uğursuz siyasət ucbatından bu ölkənin ictimai rəyində Makron rejiminə qarşı kəskin mənfi mövqe formalaşıb. Bu isə Fransa prezidentini seçkiyə qədərki müddətdə antidemokratik yollarla da olsa “başına çarə qılmağa” sövq edir. “Siz diqqətin edin, hazırda Fransada elə situasiya yaranıb ki, həttda jurnalistlər də hazırkı hakimiyyətin siyasətinə qarşı etiraz tətilinə başlayıblar. Bu, Fransa cəmiyyətinin Makron hakimiyyətinə olan ən yüksək və ciddi etimadsızlıq göstəricisidir. Amma Fransa üçün ən utancverici mənzərə artıq qanunların və demokratiya anlayışının məhv edilməsi və hazırkı Makron rejiminin siyasəti üçün alət halına gətirilməsidir. Məncə qarşıdakı müddətdə Fransa üçün ciddi siyasi xaos və gərginlik dövrü başlayacaq”.
Namiq Quliyev
