"Rusiya, Azərbaycan, Ermənistan işçi Qrupu "yatmış " vəziyyətdədir" - Rusiyadan təklif
Rusiya Baş nazirinin müavini Aleksey Overçuk bəyan edib ki, Moskva, İrəvan və Bakı arasında üçtərəfli işçi qrupu bağlanmayıb və Ermənistanla Azərbaycan müvafiq müraciət edərsə, Rusiya öz işini davam etdirməkdən məmnun olacaq. “Armenpress” xəbər verir ki, bu barədə TASS Rusiya Federasiyası Baş nazirinin müavininin Rusiya Sənayeçilər və Sahibkarlar İttifaqının (RSPP) XXXIV qurultayı çərçivəsində verdiyi bəyanata istinadən xəbər verir. Rusiya baş nazirinin müavini Ermənistanla Azərbaycan arasında birbaşa təmasların olmasının vacibliyini də vurğulayıb. “Baş nazir müavinlərindən ibarət üçtərəfli işçi qrupuna (Rusiya baş nazirinin müavini Aleksey Overçuk, Ermənistan baş nazirinin müavini Mher Qriqoryan və Azərbaycan baş nazirinin müavini Şahin Mustafayev - red.) gəlincə, o, Rusiya Federasiyası, Ermənistan və Azərbaycan başçılarının birgə bəyanatı əsasında yaradılıb. İndi o, “yatmış” vəziyyətdədir. Bunu qeydə almaq olar, lakin biz bilirik ki, bu mövzuda tərəfdaşlar arasında əlaqələr var”. Overçuk onu da əlavə edib ki, üçtərəfli işçi qrupunu heç kim bağlamayıb. “Əgər tərəfdaşlar bizimlə əlaqə saxlasalar və az da faydamız ola bilərsə, əlbəttə ki, bu işi davam etdirməkdən məmnun qalacağıq. Amma bu, tərəfdaşlardan asılıdır”, - deyə Aleksey Overçuk vurğulayıb.
Qeyd edək ki,Regional kommunikasiyaların bloklanması məsələsi Ermənistan, Rusiya və Azərbaycan baş nazirlərinin müavinlərinin həmsədrliyi ilə yaradılmış üçtərəfli işçi qrupu tərəfindən həll edilib. Tərəflər bu formatda bir sıra görüşlər keçirib, lakin son vaxtlar iş dayandırılıb.
Surxay Əliyev
