Həm sülhdən danışır, həm də Azərbaycanı atəşə tutur...
Mətləb Salahov: “Nikol Paşinyan açıq şəkildə ikili oynayır, birbaşa Makronun təlimatları ilə hərəkət edir”
Ermənistan rəhbərliyinin ikili siyasət və riyakarlıq nümunələri bitib-tükənmir. Bir neçə gün öncəyə qədər Azərbaycanla sülh sazişinin detallarının razılaşdırıldığı və yaxın vaxtlarda sülh sazişinin imzalanacağı barədə danışan Ermənistan baş naziri Nikol Paşinyan görünür yenə də siyasi riyakarlıq xəttinə sadiqdir. Belə aydın olur ki, N.Paşinyan hakimiyyəti elan etdiyi kimi, təkcə sülh müqaviləsini imzalamaq üçün “hazırlıq” görmür, həm də qanlı təxribat üçün gün sayır. Erməni tərəfi N.Paşinyanın sülh barədə danışıqlarından cəmi bir gün sonra Azərbaycan mövqelərini atəşə tutublar. Və bu proses gün ərzində bir neçə dəfə təkrarlanıb.
Ekspert-jurnalist Mətləb Salahov “Bakı-xəbər”ə açıqlamasında Ermənistanın sülh əvəzinə atəş mövqeyini seçməsini və üstəgəl N.Paşinyanın Azərbaycanı atəşə tutduğu gün təcili Fransa Prezidenti Emmanuel Makrona zəng edib “sülh müqaviləsi barədə müzakirə aparmasını” əlaqələndirilmiş plan adlandırıb.
“Bu, sadəcə o qədər riyakarlıq nümunəsidir ki, azacıq diqqət edən kimi N.Paşinyanın öz iradəsi ilə hərəkət etməyən siyasi kukla olduğuna əmin olursan. Axı siyasətlə maraqlanmayan ən adi insana da məlumdur ki, hakimiyyət başçısı sülhdən danışdığı halda, silahlı qüvvələr necə onun əksinə addım atıb qonşu ölkəni atəşə tuta bilər?. Bu necə ola bilər? Ya bu ölkədə ordu ilə hakimiyyət arasında dərin böhran var, ya ordu xarici qüvvələrin təsiri altındadır, ya da ordunun bu addımı birbaşa hakimiyyətin öz istəyi ilə reallaşır.
Görünür Ermənistan silahlı qüvvələrinin Azərbaycana qarşı bu təxribat addımı birbaşa rəsmi İrəvanın öz tapşırığıdır. Çünki əvvəlki vaxtlardan fərqli olaraq hazırda ordu tamamilə N.Paşinyanın nəzarəti altındadır və ordudakı ruspərəst kadrlar da tamamilə hərbi sistemdən təmizlənib. Demək Azərbaycanın atəşə tutulduğu gün N.Paşinyanın tələm-tələsik Parisə, özünün “xaç atası” sayılan E.Makrona zəng etməsi əslində ikili siyasət və qeyri səmimilik barədə ciddi siqnaldır. Azərbaycanı atəşə tutmaqla sülh müqaviləsi barədə aldadıcı “nikbinlik” nümayiş etdirmək arasında böyük uçurum var.
Xüsusilə nəzərə alsaq ki, Azərbaycanla sərhəd xəttində Avropa İttifaqının “sülh missiyası” adlı xüsusi təlim keçmiş casus şəbəkəsi var, onda “xoruzun quyruğu” daha aydın görünür. Açıq-aşkar görünür ki, E.Makron başda olmaqla Qərb dairələri siyasi iddialarını və mövcudluqlarını hiss etdirmək üçün bu dəfə də Ermənistan üzərindən “oynayırlar”. 44 günlük müharibədən sonra rəsmi Paris var gücü ilə Azərbaycan əleyhinə ən iyrənc dezinformasiya siyasəti yürüdüb, üstəlik Ermənistan hakimiyyətini rəsmi Bakı ilə konstruktiv münasibətlər qurmaqdan çəkindirib. Ermənistanın Azərbaycana hərbi təcavüzünün ilk illərində Qərbi Azərbaycandan və işğal olunmuş ərazilərimizdən qovulan soydaşlarımızın taleyinə biganə qalan Fransa indi əsassız olaraq Qarabağda az sayda erməninin “etnik təmizlənməyə” məruz qalması barədə dezinformasiya yayır. Rəsmi İrəvanın da Qarabağın Azərbaycan ərazisi olduğunu etiraf etdiyi halda, Paris mütəmadi olaraq bölgədən könüllü çıxan erməni sakinlərin geri qayıtması üçün canfəşanlıq edir. Eləcə də Fransa Avropa İttifaqının Müşahidə Missiyası adı altında öz casuslarını Ermənistanla Azərbaycan arasındakı şərti sərhəddə yerləşdirib. Günü bu gün də hadisələrin gedişatı onu deməyə əsas verir ki, Fransa Cənubi Qafqazla bağlı məkrli planlar həyata keçirməyə çalışır. Rəsmi Parisin qərəzli mövqeyi Cənubi Qafqaz regionunda vəziyyətin gərginləşməsinə xidmət edir, sülh gündəliyinin həyata keçirilməsinə, iki ölkə arasında münasibətlərin normallaşmasına ciddi şəkildə mane olur. Bir gündə bir neçə dəfə mövqelərimizin atəşə tutulması tam şəkildə bir faktı ortaya çıxarır ki, Azərbaycanla sülh müqaviləsi bağlamaq və müstəqil siyasət yürütmək hazırkı Ermənistan hakimiyyətinin işi deyil. Şəxsən mən Ermənistan hakimiyyətinin Azərbaycanla tam səmimiyyətlə sülh müqaviləsi imzalayacağını düşünmürəm. Çünki hazırkı Ermənistan hakimiyyətinin üzərinə qanlı təxribat törətmək üçün missiya qoyulub. Əlbətddə, bölgədə strateji maraqları olan güclü dövlətlər tərəfindən...”
Namiq Quliyev
