Samarada Stalinin əfsanəvi gizli bunkeri tapıldı...
Bunker keçmiş Sov.İKP vilayət komitəsinin binasının altında inşa edilib. 1942-ci ilin fevralından oktyabr ayına kimi 9 ay müddətində tikilib. Bunker 37 metr dərinlikdə yerləşir ki, bu da 12 mərtəbəli binanın hündürlüyü ilə müqayisə oluna bilər. Bu, İkinci Dünya Müharibəsindən qalan ən dərin quruluşdur.Müqayisə üçün deyək ki, Nasist Almaniyasının lideri Adolf Hitlerin Berlindəki sığınacağı 16 m dərinlikdə, Böyük Britaniyanın baş naziri Uinston Çörçill və ABŞ prezidenti Franklin Ruzveltin bunkerləri iki mərtəbə ev dərinlikdə yerləşirdi. Bunkerin tikintisində işçilər lsəs-küy yaratmamaq və tikinti sahəsini gizli saxlamaq üçün yalnız əllə, çəngəl və kürəklə işləyirdilər. Obyekt o qədər məxfi idi ki, hətta raykom işçilərinin,rəhbərliyini bundan xəbəri yox idi. Yeraltına aparan əlli metrlik tunelin divarları qurğuşun təbəqəsi olan zirehli təbəqələrdən hazırlanmışdır.
Stalinin otağı 192-ci pillədən sonra başlayan ən dərin mərtəbədə 50 kvadratmetr sahəsi olan Stalinin ofisi yerləşir. Kremlin ofisi kimi otağın da altı qapısı var, onlardan dördü yalançıdır. Lakin Stalinin özünün bu bunkerə gəlib-gəlmədiyi dəqiq məlum deyil. Rəsmi mənbələr liderin müharibə zamanı Moskvanı tərk etmədiyini iddia edir. Lakin evakuasiya illərində onun qızı Svetlana Alliluyeva yaxınlıqda Pionerskaya və Tolstoy küçələrinin kəsişməsində yaşayırdı. Onun, bir neçə dəfə bunkerdən sığınacaq kimi istifadə etdiyi bildirilir
Surxay Əliyev
