Kursk bölgəsində 600 Şimali Koreya əsgəri həlak olub
Reuters və Frants Press Agentliyinin Cənubi Koreya parlamentinin kəşfiyyat komitəsinin üzvünə istinadən verdiyi məlumata görə, Ukraynaya qarşı müharibədə Rusiyanın tərəfində döyüşən 600-ə yaxın Şimali Koreya əsgəri həlak olub, minlərlə əsgər isə yaralanıb. Cənubi Koreyanın Milli Kəşfiyyat Xidmətinin qanunvericilər üçün keçirdiyi brifinqdən sonra deputat Li Seong-kvun jurnalistlərə bildirib ki, "Şimali Koreya əsgərlərinin itkiləri hazırda 4700-ə yaxındır.
Onun sözlərinə görə, bu ilin əvvəlindən Şimali Koreya Pxenyanda və başqa yerlərdə təcrid olunmuş vəziyyətdə saxlanılan təxminən 2000 əsgərini geri qaytarıb. “Başa düşdüyüm qədər, həlak olan əsgərlərin cəsədləri KXDR-ə aparılmazdan əvvəl Kurskda yerində kremasiya edilib”, deyə o əlavə edib.
Surxay Əliyev
