Rusiya Ukraynaya qarşı Qazaxıstandan döyüşcü cəlb etməyə çalışır
Ukrayna Kremlin Qazaxıstandan Ukraynaya qarşı döyüşmək üçün muzdlu əsgərlər cəlb etməkdə maraqlı olduğuna əmindir. Belə ki,kraynalı analitik Vitali Portnikov qeyd edib ki, Pasxa bayramında məhbus mübadiləsi zamanı Rusiya üçün döyüşən iki Qazaxıstan vətəndaşı azad edilib. Onun sözlərinə görə, bundan sonra Kiyevdə qazax diplomatları ilə Ukraynanın koordinasiya qərargahının nümayəndələri arasında hərbi əsirlərlə rəftar məsələlərinə dair görüş keçirilib: Sitat - “Rusiya postsovet ölkələrindən mümkün qədər çox vətəndaşın öz ordusunda muzdlu olmasında maraqlıdır, ona görə ki, geniş miqyaslı səfərbərlik üçün özünün kifayət qədər vətəndaşı yoxdur. Və keçmiş sovet respublikalarının heç bir sakininin ölümü Rusiya cəmiyyətində real sosial rezonans doğurmur. Bundan əlavə, Qazaxıstanı “qaralamaq” üçün Rusiya-Ukrayna müharibəsində neytral mövqe tutmasına baxmayaraq, Kremli dəstəklədiyinin görüntüsünü yaratmaq lazımdır. Bu həqiqət olmasa belə. Bundan başqa Rusiya üçün Qazaxıstan vətəndaşlarının Rusiya ordusunda olmasının virtual komponenti də vacibdir”, -sitatın sonu.Vitali Portnikov xatırladıb ki, Qazaxıstanda muzdluluq qanunla cəzalandırılır, lakin onun praktikada tətbiqi başqa məsələdir. Daxili İşlər Nazirliyinin məlumatına görə, Ukraynada döyüşən qazaxıstanlılar aşağıdakı təhlükələrlə üzləşirlər: • “Başqa ölkənin ərazisində muzdluluq əlamətləri olmadan hərbi əməliyyatlarda iştiraka görə 5 ildən 9 ilədək azadlıqdan məhrum etmə cəzası nəzərdə tutulur. • muzdluluğa görə isə – vətəndaşlıqdan məhrum edilməklə və əmlakı müsadirə olunmaqla 7 ildən ömürlük azadlıqdan məhrum etməyədək həbslə cəzalandırılır”.
Surxay Əliyev
