Tramp hələ 10 il əvvəl Krımı Rusiya üçün “gözaltı eləmişdi”
Çərşənbə günü, aprelin 23-də Londonda Ukraynayla sülh danışıqlarının yeni raundu keçiriləcək. Orada ABŞ Rusiyanın Krımı qeyri-qanuni ilhaqını tanımağı və sülh sazişi çərçivəsində cəbhə xəttini dondurmağı təklif edəcək. Bu barədə Washington Post öz mənbələrinə istinadən xəbər verir. Moskva isə öz növbəsində Krımın Rusiya ərazisi kimi tanınması müqabilində Ukraynada hərbi əməliyyatları dayandırmalıdır. Ukrayna prezidenti Vladimir Zelenskinin müşaviri deyib ki, ABŞ-ın təklifləri arasında “Kiyevin razılaşdığı bəzi fikirlər var, bəziləri haqda isə bu razılıq yoxdur”.
Eyni zamanda, Qərb rəsmilərindən biri vurğulayıb ki, Ukraynaya qarşı təzyiqlər “ağılları çaşdırır”. “Sülh danışıqlarında daha fəal rol almış fransız, britaniyalı və alman müzakirəçilərin Londona təhlükəsizlik zəmanətləri və müharibədən sonrakı yenidənqurma proqramlarının daxil edilməsi ilə bağlı istənilən sövdələşmə üçün təzyiq göstərmək üçün gedirlər.Bu da ehtimal ki, Rusiyanın dondurulmuş aktivləri hesabına ödənilə bilər”. Eyni zamanda, həm Ukrayna, həm də Avropa rəsmiləri özəl olaraq etiraf edirlər ki, Ukrayna yaxın gələcəkdə düşmən nəzarətində olan bütün ərazilərə nəzarəti bərpa edə bilməyəcək. "Trampın ukraynalılara qarşı güclü təzyiq göstərdiyi halda Rusiyaya qarşı kifayət qədər loyal olmasıyla bağlı narahatlıqlar var. İndi son sual ondan ibarətdir ki, Ukrayna öz ərazilərinin bir hissəsini vermək müqabilində nə qazanacaq?" - deyə siyasi risklər üzrə məsləhətçi Avrasiya Qrupunun idarəedici direktoru Müctəba Rəhman vurğulayıb. Amerika rəsmiləri vurğulayırlar ki, “münaqişənin hər iki tərəfi danışıqlarda böyük boşluqları aradan qaldırmalıdır”. Əks halda ABŞ “onları əllərini yumaqla” hədələyir. Bu mübahisəli təklifi Ukraynanın qazanacağı isə çətin olacaq. Müəlliflər xatırladıblar ki, Rusiyanın 2014-cü ildə Krımı ələ keçirməsi və sonradan ilhaqı Ukraynaya qarşı digər təcavüz aktlarına, o cümlədən Donetsk və Luqansk vilayətlərində müharibənin başlanmasına, daha sonra isə 2022-ci ildə Ukraynaya qarşı genişmiqyaslı işğala yol açdı. Beləliklə ABŞ Krımı Rusiya ərazisi kimi tanıya bilər. “Bloomberg” də bu yaxınlarda ABŞ-ın Rusiya və Ukrayna arasında sülh sazişi çərçivəsində müvəqqəti işğal olunmuş Krımı Rusiya ərazisi kimi tanımağa hazır olduğunu bildirmişdi.
Qeyd edək ki, ABŞ administrasiyası bu məsələ ilə bağlı hələ heç bir rəsmi açıqlama verməyib. Bu arada Prezident Aparatı rəhbərinin müşaviri Sergey Leşşenko xatırladıb ki, Tramp Krımın Rusiya ərazisi kimi tanınması ilə bağlı hələ 10 il əvvəl prezidentliyə ilk namizədliyini irəli sürərkən bəyanatlar vermişdi. Amma o vaxt işlər danışmaqdan o yana getmədi.
Surxay Əliyev
