" Qeyd-şərtsiz atəşkəsə nail olmaq üçün..."- Zelenski sabahkı görüşdən yazdı
Ukrayna Prezidenti Volodimir Zelenski X sosial şəbəkəsində paylaşım edib. Ukrayna lideri yazır ki, Ukrayna İngiltərə, Fransa və ABŞ ilə birlikdə Rusiya ilə müharibəyə son qoymağın yollarını müzakirə edəcək. Dörd ölkənin nümayəndələri aprelin 23-də Londonda görüşəcəklər.
"Artıq çərşənbə günü nümayəndələrimiz Londonda Böyük Britaniya, Fransa, ABŞ-la birgə işləyəcək. Biz real və davamlı sülhün bərqərar olması ilə qeyd-şərtsiz atəşkəsə nail olmaq üçün mümkün olan ən konstruktiv şəkildə irəliləməyə hazırıq", - deyə Zelenski vurğulayıb.
Prezident Ukraynaya kömək edən bütün tərəfdaşlara təşəkkür edib.
Mətləb
