Erməni kəşfiyyatçı “Hakan Fidan – Türkiyənin mümkün prezidentinin portreti” kitabını çap etdirdi
Ermənistan Milli Təhlükəsizlik Xidmətinin ehtiyatda olan polkovniki Gevorq Minasyan “Alpha News”a təqdim etdiyi yeni kitabı “Hakan Fidan – Türkiyənin mümkün prezidentinin portreti” kitabı haqda danışıb. Müəllif kitabı xidmət etdiyi müddətdə türk kəşfiyyatına qarşı mübarizə ilə məşğul olan polkovnik Karen Parunakyana həsr edib. O, fəaliyyətinə əks-kəşfiyyatla başlayıb, sonra kəşfiyyata keçib və hazırda erməni xüsusi xidmət orqanlarının birinci prezidentin aparatında və Xarici İşlər Nazirliyində işləyən türk agenti Murad Bojolyanı ifşa edən yeganə əməliyyatçı hesab olunur. Erməni əks-kəşfiyyatı o vaxt bu işdə o qədər peşəkar işləmişdi ki, hökmün qanuniliyinə hətta Avropa İnsan Haqları Məhkəməsində belə etiraz etmək mümkün olmamışdı. "Kitab çoxqatlıdır. Orada Karen Parunakyan kimi bütün ömürləri boyu xidmət etmiş Ermənistan Milli Təhlükəsizlik Xidmətinin bəzi zabitlərinin faciəsini də görmək olar. Nəhayət, ona paxıllıq edənlər onun istefaya getməsinə səbəb oldular. O,istefa verdikdən bir neçə ay sonra dünyasını dəyişdi. Kitabda Türkiyə Xarici İşlər Nazirliyinin indiki rəhbəri, uzun illər Türkiyə kəşfiyyatına rəhbərlik etmiş Hakan Fidanın simasından da bəhs edilir. Minasyanın sözlərinə görə, həm erməni, həm də rus oxucuları bu adamın həyatı haqqında öyrənməkdə çox maraqlı olacaqlar, çünki onun tərcümeyi-halının özü qeyri-adidir. Minasyan öz kitabında qeyd edir ki, Fidan kəşfiyyat və diplomatiyanı birləşdirərək xarici siyasət işinin prinsipcə yeni modelini qurmağa nail oldu. "Fidan kəşfiyyatın da, diplomatiyanın da yerini bilir və Xarici İşlər Nazirliyində işləməyə keçməklə əslində Türkiyə Xarici İşlər Nazirliyini kəşfiyyatın struktur bölmələrindən birinə çevirib. Hazırda ələ keçirmə prosesi gedir. O, ictimai məkana çıxır, danışır, onun yüksək natiqlik qabiliyyəti var, üstəlik iş çantası var - kəşfiyyat işi: o, hər hansı görüşə gedir və görüşdən öncə həmsöhbətinin psixoloji profilini detallarına qədər öyrənir.Bu isə onun özünün “kəşfiyyat diplomatiyası” adlandırdığı kəşfiyyatla diplomatiyanın sintezidir. Gevorq Minasyanın fikrincə, Fidanın kürd kökənli, sistemli yanaşması, Qərblə əlaqələri və Ərdoğanın ona etimadı onu Türkiyənin gələcək lideri roluna əsas namizədlərdən birinə çevirir. Xüsusən də Türkiyə cəmiyyətindəki hazırkı parçalanma fonunda. "O, Ərdoğanın xələfləri siyahısında birinci və ya ikinci ola bilər. Çünki həm müxalifət, həm də elitanın mühüm bir hissəsi belə bir fiqurla razılaşa bilər: sistemli, mötədil, beynəlxalq əlaqələri və təcrübəsi olan bir fiqurla...O, Ərdoğan kimi küçə siyasətçisi deyil. O, analitikdir, idarəçidir. Üstəlik, o, etnik kürddür. Bu da kürd seçici ənənəsini davam etdirə bilər.Deyilənə görə, guya onun ulu babası sultanın kəşfiyyat rəhbəri olub və böyük imperiyaya xidmət edib. Kitabın müəllifi vurğulayır ki, Fidanın “texnokrat” imicinə baxmayaraq, Ermənistana münasibətdə Türkiyənin ideoloji xəttinə tamamilə sadiqdir. "O, Türkiyənin Ermənistanla bağlı bütün siyasətinə uyğun işləyir. Hakimiyyətin dəyişməsindən asılı olmayaraq, Ermənistana düşmən hesab olunur. O, qətiyyən ermənipərəst deyil, kökündən türkpərəstdir. Bu, sadəcə, siyasi mövqe deyil, bu onun mentalitetidir. O, ata tərəfdən kürd, ana tərəfdən isə türkdür, lakin Ermənistan məsələsində Türkiyə daxilində bu paradigmadır. “Kitabın Hakan Fidanın ailəsindən bəhs edən birinci fəslində onun qohumlarının türklərlə birlikdə ermənilərə qarşı vuruşan kürd birləşmələrinə mənsub olduğu bir neçə dəfə qeyd olunur”.
Sonda Gevorq Minasyan kitabın nəşrində göstərdikləri köməyə görə həmkarlarına, Avrasiya Əməkdaşlıq Fondunun rəhbəri Mher Simonyana, həmçinin “Dialoq” ictimai təşkilatının rəhbəri və eyniadlı kitab seriyasının yaradıcısı Yuri Navoyana minnətdarlığını bildirib.
Surxay Əliyev
