Əkrəm İmamoğlunun məhkəməsi təxirə salındı
Əkrəm İmamoğlunun işi üzrə məhkəmə iclası aprelin 11-də keçirildi.”Turkiye Today” yazır ki, məhkəmə iclası iyunun 16-na təxirə salıb. – İlkin olaraq İstanbul Ədliyyəsində 14-cü Ağır Cəza Məhkəməsində təyin edilən iclas, kifayət qədər imkan olmadığı üçün təxirə salındı. Proses Mərmərə Cəzaçəkmə Müəssisəsinin 2 saylı zalında baş tutub. İmamoğlunun vəkil komandası, həyat yoldaşı Dilek İmamoğlu, Cümhuriyyət Xalq Partiyasının (CHP) nümayəndələri, prokuror Gürləkin,İmamoğlunun vəkili, həmçinin hazırda həbsdə olan İmamoğlunun özü də iştirak edib.
"Mən niyə buradayam?"
Əkrəm İmamoğlu ona qarşı irəli sürülən ittihamların əsaslılığını şübhə altına alaraq deyib:- "Mən təkcə dünyanın ən qədim və ən əhəmiyyətli şəhərlərindən biri olan İstanbulun bələdiyyə başqanı kimi deyil, həm də üç dəfə seçkilərdə qalib gəlmiş bir insan kimi qarşınızdayam.Mən 86 milyon türk vətəndaşı qarşısında prezidentliyə namizədliyimi irəli sürmək niyyətində olduğum üçün buradayam. Hazırda baş verənlər məni çox məyus edir.Mən İstanbul sakinlərinə xidmət etdiyim üçün hədəfə alındım, ona görə ki, İstanbul əhalisinə,xalqa daha yaxşı xidmətlər göstərməyə çalışıram" deyə İmamoğlu vurğulayıb.
Xatırladaq ki, İstanbul bələdiyyə başqanı Əkrəm İmamoğlu 2025-ci il martın 19-da korrupsiya və rüşvətxorluq ittihamı ilə həbs edilib. Prokurorlar iddia edirlər ki, İmamoğlu da daxil olmaqla, şəhərin yüksək vəzifəli məmurları dövlət satınalmalarında korrupsiya sxemlərində iştirak ediblər. Bundan başqa, İmamoğlu terror təşkilatları ilə əlaqədə də şübhəli bilinir. Qeyd edək ki, İmamoğlu Cümhuriyyət Xalq Partiyasının aparıcı liderlərindən biridir və qarşıdan gələn seçkilərdə prezident Rəcəb Tayyib Ərdoğanın ən ciddi rəqibi hesab olunurdu. Onun həbsi İstanbulda geniş etirazlara səbəb olub.
Surxay Əliyev
