İsrail müharibəni Qəzzanın bütün ərazilərinə yaydı
İsrail Müdafiə Nazirliyi anklav sakinlərini yaxın günlərdə "Qəzza zolağının əksər ərazilərini" bürüyəcək döyüş bölgələrini tərk etməyə çağırıb. Qəzza sakinləri araba, motosiklet, eşşək və ya piyada təhlükəsiz güman etdikləri yerlərə üz tuturlar.
Anklavda HƏMAS-a qarşı hərbi əməliyyat keçirən İsraildən hər gün yeni-yeni təxliyə əmrləri gəlir. Qəzza sakini Əbu Usamə Bahar deyir ki, 2023-cü ildə müharibə başlayandan bəri on beş dəfə məcburi köçkün olub, o, artıq kiçik uşaqları ilə hara gedəcəyini bilmir. "Biz bu dünyada kimə nə etmişik ki, başımıza belə işlər gəlsin? Biz hamımız mülki insanlarıq. Hamı -bütün qadınlar və uşaqlar qaçır", - deyə zavallı Əbu Usamə gileylənir.Cümə günü səhər İsrail ordusu fələstinlilərə Şucaiyyə, Türkman, Zeytun və Tuffa bölgələrini dərhal boşaltmağı əmr edib. Ertəsi gün İsrail Müdafiə Nazirliyi hərbi əməliyyatların yaxın günlərdə “zolağın əksər bölgələrinə” qədər genişlənəcəyini açıqlayıb və mülki insanları oradan təxliyə etməyə çağırıb. Departamentin rəhbəri İsrael Katz fələstinlilərə müraciət edərək deyib ki, "Ayağa qalxmağın, HƏMAS-ı qovmağın və bütün israilli girovları azad etməyin vaxtı gəldi. Müharibəyə son qoymağın yeganə yolu budur" –deyə qəzalıları təhdid edib.İsrail martın 18-də HƏMAS ilə iki aylıq barışığa son qoyaraq anklavda əməliyyatları bərpa etdikdən sonra, ordu getdikcə daha çox bölgədən mütəmadi olaraq evakuasiya əmrləri verir. Bir çox fələstinlilər çətin seçim qarşısında qalıb: yenicə tanış olduqları,isniçdikləri yerdən başqa yerə qaçmaq insanları çıxılmaz vəziyyətdə qoyub.Qəzzanın şərqindən didərgin düşmüş Amer ər-Rifi, "Hamını müsəlmanlara mərhəmət etməyə çağırırıq" deyə vurğulayıb. "Lütfən,bizə mərhəmət edin. Biz milyard dəfə köçürüldük,artıq hara gedəcəyimizi bilmirik." İsrail, rəhbərliyi iddia edir ki, Həması girovları azad etməyə və şimalla cənub arasında bufer zona yaratmağa məcbur etmək məqsədi ilə əvvəlcə bombardmana, sonra qurudan hücuma başlayıblar.
Birləşmiş Millətlər Təşkilatının məlumatına görə, son üç həftə ərzində Qəzza zolağında 400 minə yaxın fələstinli didərgin düşüb. Qəzzada müharibə HƏMAS yaraqlılarının 7 oktyabr 2023-cü ildə İsrailin cənubuna hücum edərək, əksəriyyəti mülki şəxslər olmaqla 1200 adamı öldürdükdən sonra başlayıb. Qocalar, qadınlar və uşaqlar da daxil olmaqla ümumilikdə 251 nəfər girov götürülüb, onların əksəriyyəti müharibənin əvvəlində danışıqlar yolu ilə azad edilib. Terrorçular hələ də əllərində 59 nəfəri girov saxlayır, onlardan 24-nün hələ də sağ olduğu güman edilir.Bir sözlə iki terrorçu qüvvə çatışır arada mülki vətəndaşlar ya həlak olur,ya da yurd-yuvalarından didərgin salınırlar.Beynəlxalq aləm isə bütün baş verənlərı bir film kimi seyr edir.
Surxay Əliyev
