Tramp: HƏMAS-la danışıqlarda irəliləyiş var
ABŞ prezidenti Donald Tramp Qəzza zolağında atəşkəs və girovların qaytarılması ilə bağlı HƏMAS ilə dolayı danışıqlarda müəyyən uğur qazandığını iddia edib. Onun sözlərinə görə, ABŞ "Qəzzadan girovları qaytarmağa yaxındır". Jurnalistlər Amerika prezidentinə girovlar barədə sual verməsələr də, onun özü bəzi məqamları açıqladı. “Əsirlikdən qayıdan insanlar ömürlük travma alacaqlar”-deyə Tramp bildirib.
Cümə axşamı, baş nazir Benyamin Netanyahu vəziyyəti dəyərləndirdi. Onun keçirdiyiyi qapalı iclasda təhlükəsizlik orqanlarının rəhbərləri, o cümlədən “Şin Bet” əks-kəşfiyyat xidmətinin vəzifəsini tərk edən rəhbəri Ronen Bar iştirak edib.İçlasda Misirin yeni təklifi və İsraillə HƏMAS arasında müharibəyə son qoyacaq ikinci razılaşmanın ikinci mərhələsinin həyata keçirilməsi üçün danışıqlara başlanması müzakirə edilib:- “Qəzzada 50 günlük atəşkəs müqabilində səkkiz canlı girov azad ediləcək” İsrail rəsmiləri deyirlər ki, “razılaşma ehtimalı son həftələrdə olduğundan daha yüksəkdir”. Bununla belə, İsrailin razılaşma ilə bağlı əks təklifi hələ də HƏMAS-a çatdırılmayıb. Cümə axşamı axşam Netanyahu girovlar Elkanah Buçbut və Rom Breslavskinin qohumları ilə də görüşüb. Ofis qısa bəyanatla görüşü belə şərh edib: “Baş nazir müharibənin bütün məqsədlərinə nail olmaq öhdəliyini bir daha təsdiqlədi: “Bütün girovlarımızın geri qaytarılması, HƏMAS-ın ləğvi və Qəzzanın bundan sonra İsrail üçün təhlükə yaratmayacağına zəmanət”.
Qeyd edək ki, bir qrup keçmiş girovların qohumları bu həftə ABŞ-a səfər ediblər. ABŞ-ın yüksək rütbəli rəsmiləri ilə görüşən girovların ailələri yaxın günlərdə danışıqlarda irəliləyiş olacağına dair nikbin olduqlarını açıqlayıblar. Bundan əvvəl ABŞ rəsmiləri “The New York Times” vasitəsilə Trampın girovlar üzrə xüsusi nümayəndəsi Adam Behler Həmas liderləri ilə üç gizli görüş keçirməsindən sonra İsraili danışıqları pozmaqda ittiham etmişdi.
Surxay Əliyev
