Almaniyada hakim koalisiya yaradıldı
Almaniyada Xristian Demokrat İttifaqı (XDİ) və Xristian Sosial İttifaqının (XSİ), eləcə də Almaniya Sosial Demokrat Partiyasının (SDP) mühafizəkar bloku yeni hakim koalisiyanın yaradılması ilə bağlı danışıqların başa çatdığını elan edib. Partiyaların nümayəndələri koalisiya sazişini çərşənbə günü, aprelin 9-da Bundestaqda mətbuat konfransı zamanı təqdim ediblər. Koalisiyanın yaradılması ilə bağlı danışıqlar 2025-ci il martın 13-də başlayıb. Reuters-in istinad etdiyi razılaşmaya əsasən, tərəflər borc əyləcinin modernləşdirilməsi üçün ekspert komissiyasının yaradılması, 2028-ci ildən başlayaraq beş il müddətinə vergilərin ildə 1% azaldılması, üç ildən sonra Almaniya vətəndaşlığının alınması imkanının ləğvi, könüllü hərbi xidmətin tətbiqi və büdcə xərclərinin, o cümlədən beynəlxalq təşkilatların könüllü maliyyələşdirilməsinin azaldılması barədə razılığa gəliblər. Gələcək koalisiyadakı tərəfdaşlar qeyri-qanuni miqrasiya probleminə də böyük diqqət yetirdilər.
Belə ki, “Zeit Online” yazır ki, gəlmələr sığınacaq üçün müraciət etsələr də, Almaniyaya daxil olanların sərhəddə dayandırılması ilə bağlı razılığa gəliblər. Ailələrin birləşdirilməsi iki il müddətinə dayandırılacaq, könüllü qaçqın qəbulu proqramları dayandırılacaq, deportasiya üçün təhlükəsiz ölkələrin siyahısı genişləndiriləcək. Bundan əlavə, Almaniya sərhədlərində nəzarət gücləndiriləcək. Bundestaqda yeni hakim koalisiya 630 yerdən 328 yerə sahib olacaq. Fridrix Merz deyib: Avropa Almaniyaya arxalana bilər. XDİ sədri Fridrix Merzin mayın 7-də Almaniya kansleri seçiləcəyi gözlənilir. O, bundan əvvəl Almaniyada bu il aprelin 20-də qeyd olunan Pasxa bayramına qədər hökumətin formalaşdırılmasını başa çatdırmaq niyyətində olduğunu bildirmişdi. Bununla belə, koalisiya danışıqlarının nəticələri koaıisiyaya daxil olan partiyaların rəhbər orqanları arasında 10 günlük sorğuda təsdiqlənməlidir. Hakim koalisiyanın yaradılması üzrə danışıqların nəticələrini şərh edən Merz deyib: “Almaniya fəaliyyət göstərməyə qadir güclü hökumət əldə etdi və Avropa ölkələri Almaniyaya arxalana bilər”.
Surxay Əliyev
