Netanyahu Vaşinqtonda da Qəzzalıların köçürülməsindən danışdı
Ağ Evdə ABŞ prezidenti Donald Trampla görüşdən sonra İsrailin baş naziri Benyamin Netanyahu yenidən Qəzza zolağı sakinlərinin “könüllü mühacirəti” ideyasını xatırladıb.Nitanyahu hesab edir ki, Suriya və Ukraynadan fərqli olaraq, Qəzzadakı fələstinlilər əvvəllər müharibə zonasında qalmağa məcbur olublar və indi onlara başqa yerə getmək üçün “seçim vermənin” vaxtı çatıb. Netanyahu həmçinin Trampın xahişi ilə jurnalistin Qəzzada nizamlanma perspektivləri ilə bağlı sualı cavablandıraraq, Amerika liderinin əvvəllər irəli sürdüyü anklav sakinlərinin “könüllü köçürülməsi” və ardınca onun bərpası ideyasını bir daha dəstəklədiyini vurğulayıb:
- "Düşünürəm ki, prezidentin [Trampın] danışdığı, ilk növbədə, insanlara seçim imkanı vermək idi. Qəzza, Qəzza əhalisi qapalı vəziyyətdə idi. Qəzza insanların tələyə düşdüyü yeganə yer idi və biz onları orada blokada etmədik", - deyə İsrail hökumətinin başçısı iddia edib. Onun fikrincə, indi yerli fələstinlilərə seçim vermək vaxtıdır. "İnsanlara seçim verməkdə pis nə var? Biz indi, o cümlədən nahar zamanı [fələstinlilərin mümkün köçürülməsi üçün] bir sıra ölkələr haqqında danışdıq, indi [adlarını] dəqiqləşdirməyəcəyəm: "Qəzza sakinləri getmək istəsələr, onları qəbul edəcəyik." Düşünürəm ki, Qəzzanın bərpası illər çəkəcək, prezident (Tramp) da bu baxışa cavab verir, biz bunun üzərində işləyirik və ümid edirəm ki, bu məsələ ilə bağlı yaxşı xəbərlərimiz olacaq”, - deyə Netanyahu əlavə edib.
Surxay Əliyev
