Çin ABŞ-dan qaz idxalını dayandırdı
Çin 60 gündür ki, ABŞ-dan mayeləşdirilmiş təbii qaz idxal etmir ki, bu da son beş ildə ən uzun fasilə sayıla bilər. Belə ki,Pekin və Vaşinqton arasında münasibətlərin pisləşməsi mayeləşdirilmiş təbii qaz tədarükünün yönləndirilməsinə səbəb olub. “Bloomberg”-in gəmi izləmə analitik şirkəti Kplerin məlumatlarına istinadən xəbər verir ki, hazırda ABŞ-ın heç bir mayeləşdirilmiş təbii qaz tankeri Çinə getmir.Agentliyin məlumatına görə, prezident Donald Trampın birinci ticarət müharibəsi zamanı Çin 2020-ci ilin aprel ayına qədər təxminən 400 gün ərzində ABŞ-dan heç bir yük qəbul etməyib. Fevralın 10-da Pekin ABŞ-ın rüsumlarına cavab olaraq ABŞ-ın mayeləşdirilmiş təbii qaz təchizatına 15% rüsum tətbiq edib.
Cümə günü Çinin ABŞ-dan bütün idxal mallarına tətbiq etdiyi əlavə tariflər vəziyyəti daha da ağırlaşdırıb. Çinli alıcılar məcbur qalıb uzunmüddətli müqavilələr əsasında ABŞ-dan mayeləşdirilmiş təbii qaz tədarük edirlər. Ötən qışın mülayim keçməsi və böyük qaz ehtiyatlarının olması o deməkdir ki, hazırda Çinin mayeləşdirilmiş təbii qaza təcili ehtiyacı yoxdur, -deyə “Bloomberg” yazır. Hazırki vəziyyət treyderlərə tədarükləri ABŞ-dan Avropa və Asiya ölkələrinə yönləndirməyə imkan verir. Agentliyin fikrincə, bu, ehtiyatları artırmaq və Rusiya boru kəməri ilə qaz tədarükü itkisini kompensasiya etmək üçün daha çox mayeləşdirilmiş təbii qaza ehtiyac duyan Avropa üçün bir arxayınçılıq olub.
Suirxay Əliyev
