Mask Trampın tarif qərarına qarşı çıxdı - ləğv edilsin və...
Milyarder və Trampın tərəfdaşı Tesla-nın baş direktoru və yüksək səviyyəli ABŞ hökumət rəsmisi Elon Mask bütün tariflərin ləğvini və ABŞ ilə Aİ arasında azad ticarət zonasının yaradılmasını təklif edib. O, bu sözləri şənbə günü Matteo Salvininin Liqa partiyasının İtaliyada təşkil etdiyi videokonfransda, Donald Trampın Avropa İttifaqından idxala 20 faizlik rüsum tətbiq etməsindən bir neçə gün sonra deyib. "İdeal olardı ki, həm Avropa, həm də Birləşmiş Ştatlar sıfır tariflərlə gələcək və effektiv şəkildə azad ticarət zonası yaratsınlar" – deyə Mask edib.Onun bu fikiri Ağ Evin mövcud iqtisadi siyasətinə etirazın nadir halı sayıla bilər. Maskın çıxışı dekabr ayından etibarən demək olar ki, iki dəfə azalan Tesla səhmlərinin düşməsi fonunda baş verib. Şirkət birinci rübdə Avropada satışların kəskin azaldığını bildirib ki, bunu analitiklər onun liderinin siyasi fəaliyyəti ilə əlaqələndirirlər. Bu həftə Tramp həmçinin Çindən Tesla-nın istehsalının birbaşa asılı olduğu komponentlərə 34 faizlik tarif tətbiq etdi. Bundan əlavə, Mask Şimali Amerika və Avropa arasında insanların hərəkət azadlığını dəstəklədiyini bildirib və o, kiçik biznesin zərərinə böyük şirkətləri qoruyan Aİ bürokratiyasını tənqid edib. X media platformasında o, tarif siyasətinin əsas tərəfdarlarından biri olan Trampın müşaviri Piter Navarronu da dolayısı ilə tənqid edib.
Surxay Əliyev
