ABŞ Mərkəzi Kəşfiyyat İdarəsinin UFO-larla bağlı dəhşətli bir sənədi ortaya çıxdı - yadplanetlilər 35 il əvvəl 23 sovet əsgərini daşa çeviriblər...
ABŞ Mərkəzi Kəşfiyyat İdarəsi (MKİ) tərəfindən məxfilikdən çıxarılan dəhşətli bir sənəd qəzaya uğramış UFO-dan gələn yadplanetlilərin hərbi hissəni daşa çevirdiyini iddia edib.
Mərkəzi Kəşfiyyat İdarəsinin (MKİ) paylaşdığı hesabata görə, təxminən 35 il əvvəl Sovet əsgərləri Sibirdə Sovet hərbi birliyi üzərində bir UFO vurublar. UFO-nun düşməsinin ardından baş verən enerji partlayışı nəticəsində 23 əsgərin daşa çevrildiyi iddia edilir. Qəzaya uğrayan UFO-nun bütöv bir hərbi hissəni daşa çevirməsindən sonra yadplanetlilər tərəfindən törədildiyi iddia edilən qətliamın üstü açıb.
“Daily Mail” qəzetinin yazdığına görə, ABŞ kəşfiyyatçıları tərəfindən ələ keçirilən 250 səhifəlik çox məxfi dosyanı ümumiləşdirən sənəddə, şahidlər məhv edilən UFO-dan 5 yadplanetlinin çıxdığını, tək bir canlı olaraq birləşdiyini, ardından güclü enerji partlayışı ilə partladığını və nəticədə 23 əsgərin daşa çevrildiyini bildiriblər.
Mərkəzi Kəşfiyyat İdarəsi bu savaşı “yadplanetlilərin qisas almasının dəhşətli, qan donduran mənzərəsi” kimi təsvir edib.
MKİ əlavə edib ki, son dərəcə təhdidedici hadisə Yerə gələn yadplanetlilərin ABŞ hökumətinin güman etdiyindən çox daha yüksək silah və texnologiyaya malik olduğunu sübut edir və bu da onların mövcudluğundan artıq xəbərdar olduqlarını göstərir.
2000-ci ildə üzə çıxarılan və məxfiliyi ləğv edilən sənəd bu yaxınlarda “AI Or Evil podcast”ində nümayiş olunub və aparıcı Coş Huper UFO-nun qəzaya uğradığı yerdə olan əsgərlərdən ikisinin savaşdan sağ qurtulduğunu açıqlayıb.
Məlumata görə, 23 əsgərin qalıqları və kosmik gəminin qalıqları Rusiyanın paytaxtı Moskva yaxınlığındakı gizli bir tədqiqat bazasına aparılıb.
Kanada qəzetinin 1989-1990-cı illər arasında baş verdiyinə inandığı hadisə, ancaq Sovet İttifaqının dağılması və KQB-nin çökməsindən sonra Mərkəzi Kəşfiyyat İdarəsi tərəfindən üzə çıxarılıb.
MKİ sənədində yadplanetli gəminin təlim zamanı Sovetlər əsgərləri üzərində alçaqdan və səssizcə uçduğu təsvir edilir. Rəsmilər bildirblər ki, “naməlum səbəblərdən” Sovetlər UFO-nu yer-hava raketi ilə hədəf alaraq hərbi hissə yaxınlığında Yerə düşməsinə səbəb olub.
Sağ qalan iki əsgərin dediyinə görə, əsgərlər kosmik aparata yaxınlaşdıqda, beş yadplanetlinin dağıntılar altından çıxaraq bir araya gəldiyini görüb. Əsgərlər bir neçə dəqiqədən sonra yadplanetlilərin birləşərək vahid bir cismə çevrildiyini bildiriblər.
Birləşmədən sonra yaranan topa bənzəyən yadplanetlinin parlaq ağ işığa çevrilməzdən əvvəl vızıldamağa və sızıldamağa başladığı bildirilir. Qeyd edilir ki, sonra əsgərlərin gözü qarşısında, işıq topu nəhəng bir enerji partlayışı kimi partlayıb və 25 Sovet əsgərindən 23-ü “daş sütunlara” çevrilib. Sənədlərdə əsgərlərdən ikisinin sağ qalmasının yeganə səbəbinin enerji partlayışı zamanı kölgəli ərazidə dayanmaları olduğu bildirilir.
Əsgərlərin cəsədləri üzərində aparılan araşdırmalar göstərib ki, yadplanetlilərin partlayışı hansısa yolla canlı toxumanı əhəng daşına bənzər maddəyə çevirib.
MKİ sənədində ölümcül partlayışa hələ də insanlara məlum olmayan enerji mənbəyinin səbəb olduğu bildirilir. Hətta 2025-ci ildə belə, şok edici transformasiyanın arxasında duran elmi həm tibbi, həm də texnoloji cəhətdən izah etmək hələ də çox çətindir.
TAHİR
