Sabah İmamoğlunun taleyinə qərar veriləcək...
Cümhuriyyət Xalq Partiyasının (CHP) sədri Özgür Özəlin çağırışı ilə sabah 6 aprel tarixdə saat 10.00-da CHP-nin 21-ci növbədənkənar qurultayı Yenimahalle Nazım Hikmət Mədəniyyət Mərkəzində “İradə Millətindir” mövzusu ilə keçiriləcək.
Qurultay üçün artıq hazırlıqlara başlanılıb. Mədəniyyət Mərkəzinin qarşısında CHP bayraqları asılıb. Zalın girişində "21-ci Fövqəladə Qurultay. İradə Millətindir" yazılmış fonlar yerləşdirilib. Media təşkilatları üçün yayım və müsahibələr aparmaq üçün sahə ayrılıb. Qurultaydan sonra CHP avtobusu saat 16:00-da Ankara mitinqi üçün əraziyə gətirilib. Vətəndaşların əraziyə daxil olması üçün Nazım Hikmət Mədəniyyət Mərkəzinin yanındakı dayanacaqda barrikadalar qurulub. Qurultaya hazırlıqları yaxından izləyən CHP-nin sədr müavini Burhanəddin Bulut sabahkı qurultaya hazırlıqla bağlı məlumat verərək "Nümayəndələrimiz sabah gələcək" deyə qeyd edib:- "Bu, fövqəladə qurultaydır. Biz mövcud olan ən böyük salonu icarəyə götürmüşük. Normalda, qurultaylarda nümayəndələr səs verirlər. Ona görə də, nümayəndələr təcrid olunmuş salonda yerləşdirilir. Konqresimiz heç kimə qapalı deyil. Ankarada olduğumuz bu yerdə, saat 16.00-da həm də mitinq təşkil edirik. Əkrəm İmamoğlunun azadlığı və erkən seçkilər üçün imzaları da burada alacağıq”-deyə CHP-nin sədr müavini bildirib. Bulut həmçinin bildirib ki, CHP-nin prezidentliyə namizədi Əkrəm İmamoğlunun azadlığı və erkən seçki üçün başladılan petisiyaya da vətəndaşlar burda imza ata bilər. “İmza kampaniyasına artıq başladıq” deyən Bulut: "Sədrimiz bunu Trabzonda bayramın ilk günü elan etdi. Ancaq qurultay hazırlıqlarına görə, gündəm çox olduğundan təşkilatlarımız hələ tam olaraq o məsələ ilə bağlı işə başlamayıb. Qurultaydan sonra insanlar yenidən "İmzalamaq istəyirik, hara imza atacağıq" deyə mesajlar göndərirlər. Qurultaydan sonra vilayətlərdə, rayonlarda, izdihamlı prospektlərdə, küçələrdə imza kampaniyaları təşkil edəcəyik, biz buna mütləq nail olacağıq. Rayon,əyalət təşkilatlarımızda və qərargahımızda prezidentliyə namizədimiz Əkrəm İmamoğlunun azadlığı və erkən seçkilər üçün imza vərəqləri olacaq”
Surxay Əliyev
