ABŞ-da yumurta kəskin bahalaşdı, insanlar Pasxa üçün kartof rəngləməli oldular
Bu barədə New York Times (NYT) məlumat yayıb. Belə ki,sosial şəbəkələrdə və xəbər saytlarında zefir, kartof,hətta soğanın rənglənməsi ilə bağlı videolar görünməyə başlayıb. Ohayo ştatındakı Young's Jersey Dairy şirkətinin sözçüsü Con Yanq bildirib ki,40 ildən sonra bu ilki Pasxa yumurtası üçün insanlar ilk dəfə olaraq plastik yumurtalardan istifadə edəcək.
"Reaksiya kifayət qədər müsbət oldu. Düşünürəm ki, insanlar yumurtanın qiymətinə görə tədbiri ləğv edəcəyimizdən gizlində də olsa qorxurlar. Ona görə də şaddırlar ki, tədbiri davam etdiririk". PAAS-ın doqquz min istehlakçı arasında apardığı sorğu nəticəsində məlum olub ki, Pasxa bayramını qeyd edən və adətən yumurta boyayan amerikalıların 90 faizi xərcə baxmayaraq ənənəni davam etdirməyi, 54 faizi isə bunu heç vaxt dayandırmamağı planlaşdırır. ABŞ Kənd Təsərrüfatı Departamenti artıq yumurtanın qiymətində kəskin artımla bağlı xəbərdarlıq edib. İlin əvvəlində departament qiymətlərin cəmi 20 faiz artacağını gözləsə də, sonra proqnoza düzəliş edilib - 2025-ci ildə yumurta 41,1 faiz bahalaşa bilər. Yanvarda bir düjün {12 ədəd} yumurtanın orta qiyməti 4,95 dollar olub. Ay ərzində onların qiyməti dekabrda 8,4 faiz artımla müqayisədə 13,8 faiz bahalaşıb.
Surxay Əliyev
