Trampın reytinqi ən aşağı səviyyəyə endi
Prezident Donald Trampın reyiqi onun Ağ Evə qayıtmasından bəri ən aşağı səviyyəyə 43%-ə düşüb. Reuters/Ipsos sorğusuna görə, amerikalılar ticarət tariflərindən və Yəmənə hücumla bağlı hərbi sızıntılarla bağlı qalmaqaldan narazıdırlar. Trampın bəyənmə reytinqi 21-23 Mart sorğusunda 2 bənd və 47% dəstək aldığı halda,20 Yanvarda andiçmə mərasimindən sonra 4 bənd aşağı düşüb. İlk prezidentlik müddətində Tramp 2017-ci ilin yanvarında 49% populyarlıq həddinə çatmışdı, lakin həmin ilin dekabrında onun reytinqi 33%-ə düşmüşdü. Son azalmaya baxmayaraq, onun dəstəyi ilk prezidentliyi dövründə olduğundan daha yüksək olaraq qalır. Müqayisə üçün, onun sələfi Co Bayden, keçən noyabr seçkilərindən əvvəl cəmi 35% reytinq səviyyəsi ilə kifayətlənmişdi. Amerikalılar xüsusən,Trampın iqtisadi siyasətini tənqid edir: respondentlərin yalnız 37%-i onun bu sahədə fəaliyyətini bəyənir, yalnız 30%-i qiymət artımı ilə mübarizə tədbirlərini dəstəkləyir.
Çərşənbə günü Trampın açıqladığı avtomobillərə və ehtiyat hissələrinə tətbiq edilən yeni tariflər seçicilər arasında narahatlıq yaradıb,respondentlərin 52%-i bunun onlara və yaxınlarına zərər verəcəyini bildirib. Eyni sayda respondent tariflərin xeyirdən çox zərər verəcəyinə əmindir. Respondentlərin yalnız üçdə biri, əsasən də Tramp tərəfdarları bununla razılaşmır. Prezidentin siyasəti artıq kütləvi ixtisarlara səbəb olub.Belə ki,onun səlahiyyət müddətinin əvvəlindən bəri təxminən 200.000 federal işçi işini itirib. Onun tarif müharibəsi investorları da təşvişə salıb və birjanın çökməsinə və tənəzzül etmə qorxusuna səbəb olub. Məlumat sızması qalmaqalı prezidentdən də yan keçməyib. Məlum olub ki, yüksək rütbəli məmurlar Yəməndəki hücumu Signal messencerində müzakirə ediblər və əməliyyat planları təsadüfən The Atlantic-dən olan jurnalistin əlinə keçib.
Surxay Əliyev
