İsrailin xarici işlər naziri: “Suriyanın Türkiyənin himayəsində olmasından narahatıq”
Fransalı həmkarı Jean-Noel Barrot ilə görüşmək üçün getdiyi Parisdə jurnalistlərə açıqlama verən İsrailin xarici işlər naziri Gideon Saar, İsrailin "Türkiyənin Suriya, Livan və digər bölgələrdə oynadığı “mənfi” roldan narahat olduğunu" ifadə edərək, "Suriyanın Türkiyənin himayəsində olması üçün əllərindən gələni edirlər" deyib. İran məsələsinə də toxunan Saar deyib ki, İsrail və Fransanın İranın nüvə silahı əldə etməsinin qarşısını almaq kimi "ortaq" məqsədi var. Qərb ölkələri, o cümlədən ABŞ uzun müddətdir ki, İranı nüvə silahı əldə etməkdə ittiham edir, Tehran isə israrla bunu təkzib edir və onun zənginləşdirmə fəaliyyətinin yalnız dinc məqsədli olduğunu deyir. Özləri sanki çox humanistmiş kimi,İsrailin xarici işlər naziri əlavə edib ki,"Dünyanın ən ekstremal rejimi dünyanın ən təhlükəli silahına malik olmamalıdır. Fransanın xarici işlər naziri Jean-Noel Barrot ilə görüşən Saar, İranın təkcə İsrail üçün deyil, bütün bölgə üçün təhdid olduğunu vurğulayaraq, İsrailin Fransa, İngiltərə və ABŞ ilə müzakirələr apardığını vurğulamaqla yanaşı qeyd edib ki,"İranla diplomatik yol keçəcəyini istisna etmirik".
Fransanın xarici işlər naziri Barrot dünən xəbərdarlıq edib ki, Tehranın nüvə proqramı üzrə danışıqlar uğursuz olarsa, İranla hərbi münaqişə “demək olar ki, qaçılmaz olacaq”. ABŞ prezidenti Donald Tramp martın əvvəlində bildirib ki, o, İranın dini lideri Ayətullah Əli Xamneyiyə nüvə danışıqlarına başlamaq və mümkün hərbi əməliyyatlar barədə xəbərdarlıq etmək üçün ona məktub yazıb. Tramp İranı nüvə silahı istehsal etməyə davam edərsə, bombalayacağı ilə hədələmişdi. Öz növbəsində Xamneyi mümkün hücuma qarşılıq verəcəklərini bildirib.
Surxay Əliyev
