Liderlər Trampın vergi qərarına sərt reaksiya verdilər: “Tipik birtərəfli zorakılıqdır”
Liderlər "Biz də tədbir görəcəyik, həyat amerikalılar üçün bahalaşacaq" deyib. Çin Ticarət Nazirliyi tərəfindən edilən açıqlamada isə deyilir: "Bu, tipik birtərəfli zorakılıq təcrübəsidir". Çin Ticarət Nazirliyindən verilən açıqlamada Çinin qərarın əleyhinə olduğu və öz hüquq və maraqlarını qorumaq üçün qətiyyətli əks tədbirlər görəcəyi bildirilib. Açıqlamada ABŞ-ın “qarşılıqlı tarif” adlandırdığı tətbiqin subyektiv və birtərəfli qiymətləndirmələrə əsaslandığı, bunun beynəlxalq ticarət qaydalarına uyğun olmadığı və müvafiq tərəflərin qanuni hüquq və mənafelərini təhdid etdiyi vurğulanır və qeyd edilir ki,, “Bu, tipik birtərəfli zorakılıq təcrübəsidir. Bu, təkcə ABŞ-ın öz maraqlarına deyil, eyni zamanda qlobal iqtisadi inkişafa təhlükə yaradacaq”.
Açıqlamada ABŞ-ın beynəlxalq ticarətdən zərər gördüyünü iddia edərək bütün ticarət tərəfdaşlarına gömrük tariflərini “qarşılıqlılıq” adı altında artırdığı, lakin bunun illər ərzində çoxtərəfli ticarət danışıqları nəticəsində əldə edilən maraqlar balansını görməməzliyə vurduğu və ABŞ-ın beynəlxalq ticarətdən də böyük fayda əldə etdiyi vurğulanıb. Bəyanatda Birləşmiş Ştatlar birtərəfli tarif tədbirlərini ləğv etməyə və ticarət tərəfdaşları ilə fikir ayrılıqlarını bərabər dialoq yolu ilə müvafiq şəkildə həll etməyə çağırıb.
Leyen: “İlk tədbirlər paketini tamamlamaq üzrəyik”
Avropa Komissiyasının sədri Ursula fon der Leyen ABŞ prezidenti Donald Trampın yeni gömrük vergisi qərarına münasibət bildirib. Von der Leyen Trampın vergi qərarının qlobal iqtisadiyyata zərbə olduğunu bildirib. O, çox qısa müddətdə milyonlarla insanın bundan təsirlənəcəyini bildirib.
Kanada: Biz döyüşəcəyik
Kanadanın baş naziri Mark Karni, Trampın Kanadanı yeni vergi siyahısından çıxarsa da, polad və alüminiumdan alınan gömrük vergilərinin davam etdirdiyini xatırladaraq, "Buna qarşı aldığımız tədbirlərlə mübarizə aparacağıq" deyib. Cənubi Koreyanın prezidenti səlahiyyətlərini icra edən Han Duck-soo ticarət müharibəsinin artıq reallığa çevrildiyini bildirib. Və hökumətin lazımi tədbirlər görməli olduğunu açıqlayıb. İtaliyanın baş naziri Giorgia Meloni, "Ticarət müharibəsindən qaçmaq üçün Amerika ilə razılığa gəlmək üçün hər şeyi edəcəyik" deyə bildirib. Braziliya Xarici İşlər Nazirliyi bildirib ki, "Qarşılıqlılığı təmin etmək üçün bütün mümkün addımları qiymətləndiririk".Bununla belə qərarın kədərlə qarşılandığı bildirilib: "Amerikalılar üçün xərclər artacaq". Avstraliyanın baş naziri Antoni Albanese Vaşinqton administrasiyasının vergi qərarının məntiqə əsaslanmadığını bəyan edib. Və əlavə edib ki,"Vergi ilə amerikalılar üçün xərclər artacaq". İspaniyanın Baş naziri Pedro Sançez də, "İspaniya şirkətlərini və işçilərini qorumağa davam edəcək" deyib.
ABŞ Çinə 34 faiz gömrük rüsumu tətbiq edəcək
ABŞ prezidenti Donald Tramp sabahdan etibarən ölkəsinin digər ölkələrə qarşı əsas tarif dərəcəsi ilə 10 faizdən yuxarı, gömrük tarifləri və ölkədən asılı olaraq dəyişən tariflərlə “ticarətdə digər qeyri-monetar maneələr və fırıldaqçılıq formaları” nəzərə alınmaqla qarşılıqlı tariflər tətbiq edəcəyini açıqlayıb. Bu çərçivədə 10 faizlik baza tarifinə əlavə olaraq Çinə 34 faizlik əlavə gömrük tarifinin tətbiq ediləcəyi, bunun da 24 faizinin “qarşılıqlı tarif” olacağı bildirilib. Yeni tariflər arasında 10 faizlik baza tarifi aprelin 5-dən, 24 faizlik əlavə tarif isə aprelin 9-dan qüvvəyə minəcək. ABŞ prezidenti Tramp hələ fevralın 1-də imzaladığı fərmanla Çindən idxala 10 faiz gömrük rüsumu tətbiq etmişdi və sözügedən tarif fevralın 4-də qüvvəyə minib. Martın 4-də Tramp əvvəlki fərmanında etdiyi dəyişikliklə Çinə tətbiq edilən gömrük rüsumlarını 10 faizdən 20 faizə qaldırmışdı. Pekin administrasiyası isə Trampın tarif artımına ABŞ-dan idxal edilən bəzi məhsullara əlavə gömrük rüsumları və ABŞ şirkətlərinə qarşı sanksiyalarla cavab verib.
Surxay Əliyev
