Melkonyan: “ABŞ-ın İrana genişmiqyaslı hücumu yaxın gələcəkdə mümkün deyil”
Tarix elmləri namizədi, Tətbiqi Siyasi Tədqiqatlar İnstitutunun elmi işçisi Sergey Melkonyan hesab edir ki, “İran artıq regionda Türkiyəyə qarşı əks qütbdə duran ölkəyə çevrilir:- "Birincisi, Azərbaycan bu dəhlizi güc yolu ilə açmağa hazırlaşarkən İran hərbi təlimlər keçirməklə "Zəngəzur dəhlizi" adlanan gündəliyi dayandırdı. İkincisi, Tehran Araz dəhlizini öz ərazisindən keçirməyi təklif etdi. Beləliklə, İran status-kvonu saxlamaq və Türkiyə ilə üzləşmək üçün həm hərbi, həm də diplomatik vasitələrdən istifadə etdi", - deyə Melkonyan çərşənbə günü jurnalistlərin suallarını cavablandırarkən deyib. İranla ABŞ arasında münasibətlərə gəlincə, ekspert gərginləşmənin mümkünlüyünü etiraf edib. “Ancaq ABŞ-ın Yaxın Şərqdə malik olduğu imkanlar genişmiqyaslı hücuma başlamaq üçün kifayət deyil.Bunun üçün Birləşmiş Ştatlar hərbi mövcudluğunu artırmalı və Yaxın Şərqdəki mövcud hərbi bazalarını qorumalıdır. Lakin ABŞ hələ bu səviyyəyə çatmayıb və ona görə də yaxın həftələrdə genişmiqyaslı hücumdan danışmaq çətindir”, - deyə Melkonyan bildirib. O, həmçinin qeyd edib ki,bu gün eskalasiyanın əsas amili hazırda qüvvələri Qəzza zolağında cəmləşən İsraildir.
Surxay Əliyev
