Vilen Qabrielyanla bağlı yaranmış qalmaqaldan sonra deputat istefa verməli oldu
"Hörmətli həmvətənlər, mən tam əminəm ki, siyasi məsuliyyət mədəniyyəti siyasi proseslərdə əsas rol oynayır və həmişə siyasətcidən müvafiq iradə və qətiyyət tələb edir." Bu barədə Ermənistanın hakim “Mülki Müqavilə” partiyasından olan Milli Assambleyanın deputatı Vilen Qabrielyan öz səhifəsində yazıb. O, belə bir məqamı xüsusi qeyd edib: "Ötən bazar günü Gümrü şəhərində mənim iştirakımla baş vermiş hadisələri Ermənistan Respublikası Milli Assambleyasının deputatına yaraşmaz hal hesab edirəm". Ona görə də,hamınızdan açıq şəkildə üzr istəyirəm və Milli Məclisin deputatı kimi istefa verdiyimi rəsmən elan edirəm. Bu gün Milli Məclisin aparatına müəyyən edilmiş qaydada ərizə ilə müraciət edəcəyəm. Eyni zamanda bildirirəm ki, qarşıdan gələn seçkilərdə idarə heyətinin üzvü vəzifəsinə şəxsən öz namizədliyimi irəli sürürəm, çünki mənə aydındır ki, partiyamızın bərpaya və transformasiyaya ciddi ehtiyacı var. Sevakın dediyi kimi, sabahın həqiqəti naminə, bu gün yanılmamalıyam. Ayıq, soyuqqanlı, balanslı, güclü və möhkəm olun. Diqqətiniz üçün təşəkkür edirəm. Hörmətlə, Milli Məclisin deputatı Vilen Qabrielyan”.
Məlum olduğu kimi,martın 30-da Gümrüdə deputat Qabrielyanla seçkiləri işıqlandıran jurnalistlər arasında qalmaqallı insident baş verib. Jurnalistlərdən biri “Mülki Müqavilə”nin namizədi Sarik Minasyan uduzsa, çoxmu üzüləcəyini soruşub, suala Qabrielyan “Şad olaram” deyə cavab verdi. Daha sonra isə o, jurnalistlərdən birini təhqir edib ki, bu da mübahisəyə səbəb olub.Məlumatda o da bildirilir ki,həmin vaxt içkili vəziyyətdə olan deputat jurnalistlərə qarşı kobud və təhqiramiz ifadələr işlədib.
Maraqlıdır ki, Qabrielyan Bakıda anadan olub. Və tədbirlərin birində o, “bozqurd”işarəsini göstərərək Azərbaycana səfər etmək arzusunu bildirib. Bu əməl Ermənistan cəmiyyətində və siyasi dairələrində bir mənalı qarşılanmayıb.
Surxay Əliyev
