“Qətərgeit” qalmaqalı: Netanyahu şahid kimi ifadə verdi
İsrailin baş naziri Benyamin Netanyahu yaxın həmkarlarının Qətərdən pul alması iddialarına əsaslanan “Qətərgeit” qalmaqalıyla bağlı ifadə verib. Baş nazirlikdə ifadəsi alınan Netanyahunun şübhəli şəxs kimi deyil, şahid qismində dindirildiyi bildirilib. Maraqlıdır ki,Netanyahu istintaqı "siyasi cadugər ovu" kimi xarakterizə edərək, iki məsləhətçisinin "girov" götürüldüyünü deyib. “Qətərgeit” qalmaqalı Qətərdən milyonlarla dollar vəsaitin alınaraq Netanyahunun seçki kampaniyasına köçürülməsi iddiası ilə başlayıb. Bu iddialar, İsrail Baş nazirinin sözçülərindən Eliezer Feldstein və onun müşavirləri Conatan Urich və Srulik Einhornun müttəhimlər kürsüsündə oturduğu bir araşdırmaya çevrildi və bu işi Şabak araşdırdı. İsrail mətbuatında Netanyahunun 2012-ci ildə Qətərdən 15 milyon dollar, 2018-ci ildə isə 50 milyon dollar aldığı iddia edilmişdi. Və bildirilib ki, Feldstein Qətərin imicini dəstəkləmək üçün beynəlxalq şirkətdən maaş alıb, Netanyahunun müşavirləri Urich və Einhorn isə Qətər üçün imic məsləhətçisi kimi fəaliyyət göstərib. İsrailli iş adamı Gil Bilgerin Feldsteynə pul köçürdüyünü dediyi səs yazısı İsrail dövlət televiziyasında yayımlanıb və Feldstein Bilgerin iddiasının doğru olduğunu qəbul edib. Netanyahunun sözçüsü Eliezer Feldstein və onun müşaviri Conatan Urich dünən istintaq aparılmadan həbs edilib.
Surxay Əliyev
