Tramp İranı və Husiləri hədələdi: “Onlar hələ əsl ağrını dadmadılar”
ABŞ prezidenti Donald Tramp həm İranı, həm də husiləri hədəfə aldı: "Husilərin seçimi bəllidir: Əgər onlar ABŞ gəmilərinə atəş açmağı dayandırsalar, biz də dayanacağıq. Husilər də, onların İrandakı dəstəkciləri əsl acını hələ dadmayıblar".Əks təqdirdə "Biz öldürücü güc tətbiq edəcəyik" deyə Tramp bildirib. ABŞ prezidenti Tramp “Truth Social” hesabından verdiyi açıqlamada Yəmən və İrandakı husiləri hədəfə alararaq bunları qeyd edib: - “Bu gün ABŞ ordusuna Yəməndə husi terrorçularına qarşı qətiyyətli və güclü hərbi əməliyyat başlatmağı əmr etdim”.. Husilərin Qırmızı dənizdə ABŞ gəmilərini hədəf aldığını və bölgədəki dəniz ticarətinə onların mənfi təsir göstərdiyini iddia edən Tramp Husilərin ABŞ gəmilərinə qarşı hücumları qəbuledilməzdir və biz məqsədimizə çatana qədər öldürücü güc tətbiq edəcəyik" deyib. Daha sonra“Vaxtınız bitdi, hücumlarınız bu gündən dayandırılmalıdır, əks halda daha öncə görmədiyiniz cəhənnəm sizin üzərinizə yağacaq” deyə ABŞ prezidenti hüsiləri təhdid etdi.
Bütün bu hədələrə baxmayaraq husilərdən Tramp administrasiyasını qəzəbləndirəcək daha bir açıqlama gəldi. Belə ki,husilərin hərbi sözçüsü Yəhya Sare ABŞ-ın MQ-9 pilotsuz uçuş aparatını vurduqlarını açıqlayıb. Husilərin əl-Məsirə televiziyası tərəfindən yayımlanan açıqlamasında Sare, “Hava müdafiəmiz yerli istehsal raketdən istifadə edərək Marib bölgəsi üzərində uçan Amerikaya məxsus MQ-9 pilotsuz uçuş aparatını vurdu” deyə bildirib və əlavə etdi: “Bu, hava müdafiəmizin 2023-cü ilin oktyabr ayından bu yana uğurla vurduğu 16-cı ABŞ pilotsuz hava vasitəsidir. Sare onu da qeyd edib ki, Qəzzaya qarşı mühasirə və hücumlar bitənə qədər Qırmızı dəniz və Ərəb dənizlərində düşmən gəmilərinin hədəfə alınması davam edəcək.
Surxay Əliyev
