Trampın “qəzəbindən” sonra Kreml Ukraynada sülh ideyaları üzərində işlədiyini bildirdi
ABŞ prezidenti Donald Trampın Rusiya diktatoru Putinə “qəzəbli” olduğunu deməsindən sonra, Rusiya Federasiyası və ABŞ Ukraynada müharibəyə son qoymaq ideyaları üzərində işləyirlər. “Reuters”in məlumatına görə, Kremlin sözçüsü Dmitri Peskov Moskvanın Vaşinqtonla işləməyə davam etdiyini, Putin isə Trampla dialoqa hazır olduğunu bildirib. "Biz Ukraynada nizamlanma ilə bağlı bəzi ideyaların həyata keçirilməsi üzərində işləyirik. Bu iş gedir, lakin hələ ki, danışa biləcəyimiz və ya bəyan etməli detallar yoxdur. Bu, çox güman ki, çox əmək tələb edən bir prosesdir", - deyə o,bildirib. Peskov onu da qeyd edib ki, Tramp və Putin arasında telefon danışığı lazım gələrsə, qısa müddətdə təşkil oluna bilər.
Surxay Əliyev
