Netanyahunun mətbuat katibi və müşaviri həbs edildi, özü isə istintaqa çağırıldı
İsrail Baş naziri Binyamin Netanyahunun sözçüsü Eliezer Feldstein və müşaviri Conatan Urich “Katargeyt” istintaqı ilə əlaqədar həbs edilib. İsrailin dövlət televiziyası KAN-ın məlumatına görə, həbs qərarı israilli iş adamı Gil Bilgerin Qətərdə işləyən ABŞ vətəndaşından Feldşteynə pul köçürməsinin üzə çıxmasından sonra verilib. Məlumatda bildirilir ki, "Katarqeyt" istintaqı çərçivəsində həbs edilən Feldstein və Urich "xarici agentlə əlaqə" və "çirkli pulların yuyulmasında" ittiham olunurlar. İki həftə əvvəl istintaq çərçivəsində saxlanılaraq sorğu-sual edilən Uriç haqqında həbs qəti imkan tədbiri seçilib, "gizli sənədlərin sızdırılması" çərçivəsində həbs edilən Feldstein haqqında isə ev dustaqlığı qərarı verildiyi bildirilir. Məlumatda Feldstein və Birger arasında vasitəçilik etməkdə şübhəli bilinən media mənsubunun da dindirilmək üçün saxlanıldığı qeyd edilib. Digər tərəfdən, İsrailin Baş naziri Netanyahu da Baş Prokuror Qali Baharav-Miaranın göstərişiylə istintaqa çağırılıb. O da bildirilir ki, Netanyahuya bu gün və ya başqa bir gün açıq ifadə vermək imkanı verildiyi halda, baş nazir bu gün ifadə verməyə üstünlük verib. Netanyahunun bəyanatının Qərbi Qüdsdəki baş nazir ofisində qəbul ediləcəyi bildirilib.
Məlumata görə, "Katarget" qalmaqalı milyonlarla dolların Qətərdən alınaraq Netanyahunun seçki kampaniyasına köçürüldüyü iddiası ilə başlayıb. Və bu iddialar, İsrail Baş nazirinin sözçülərindən Eliezer Feldstein və onun müşavirləri Conatan Urich və Srulik Einhornun müttəhimlər kürsüsündə oturmasına səbəb olub.Və bu işi Şabak araşdırıb. İsrail mətbuatında Netanyahunun 2012-ci ildə Qətərdən 15 milyon dollar, 2018-ci ildə isə 50 milyon dollar aldığı iddia edilmişdi. O da bildirilir ki, Feldstein Qətərin imicini dəstəkləmək üçün beynəlxalq şirkətdən maaş alıb, Netanyahunun müşavirləri Urich və Einhorn isə Qətər üçün imic məsləhətçisi kimi fəaliyyət göstərib. İsrailli iş adamı Gil Bilgerin Feldsteynə pul köçürdüyünü dediyi səs yazısı İsrail dövlət televiziyasında yayımlanıb və Feldstein Bilgerin iddiasının doğru olduğu qəbul edilib.
Surxay Əliyev
