Finlandiya prezidenti Trampa Putinə etibar etməməyi tövsiyə etdi...
Finlandiya prezidenti Aleksandr Stubb ABŞ prezidenti Donald Trampa Rusiya diktatoru Vladimir Putinə etibar etməməyi tövsiyə etdiyini bildirib. Bu barədə “Yle” yazır. Məlumatda qeyd olunur ki, Londonda keçirdiyi mətbuat konfransında Stubb ABŞ-a səfərinin və Trampla görüşünün təfərrüatlarını açıqlayıb. Finlandiya prezidenti deyib ki, ABŞ prezidentinin“Vladimir Putinə etibar etmək olarmı” sualına cavab olaraq “Mən cavab verdim ki, bu, mümkün deyil”, – deyə Finlandiya lideri qeyd edib. O, həmçinin aprelin 20-ni təklif edərək, Trampla Ukraynada mümkün atəşkəs tarixini müzakirə etdiyini bildirib. Və izah edib ki, birincisi, bu tarix Pasxaya aprelin 20-nə təsadüf edir, ikincisi, bu, Trampın ABŞ prezidenti kimi fəaliyyətinin düz üç ayı olacaq.
UNIAN-ın daha əvvəl xəbər verdiyi kimi, Finlandiya prezidenti Stubb Trampla 7 saatlıq görüşdən sonra Kreml diktatoru Vladimir Putinin Ukraynada atəşkəsdən imtina edəcəyi və ya onu pozacağı təqdirdə ABŞ-ın Rusiyaya qarşı yeni sanksiyalar hazırladığını bildirib. Finlandiya prezidenti həmçinin bildirib ki, Trampın Rusiyaya qarşı səbri artıq tükənir. Daha sonra Finlandiya prezidenti Ukrayna prezidenti Vladimir Zelenskiyə Trampla görüşün təfərrüatlarını açıqlayıb. Ukrayna liderinin sözlərinə görə, o, finlandiyalı həmkarı ilə “bizə kömək edə biləcək mümkün addımlar haqqında” danışıb, Stubb isə öz növbəsində ABŞ-a səfəri və prezident Donald Trampla görüşü barədə danışıb.
Surxay Əliyev
