Netanyahu təhlükəsizlik rəsmiləri ilə "Türkiyənin Suriyadakı varlığını" müzakirə edəcək
İsrail Baş nazirliyi Netanyahunun "Türkiyənin Suriyadakı varlığı" ilə bağlı yeni təhlükəsizlik toplantısı keçirəcəyini açıqlayıb. Ötən həftə olduğu kimi bu toplantıda da müdafiə qurumlarının rəhbərlərinin iştirak edəcəyi bildirilib. Məlum olduğu kimi, Netanyahu ötən həftə rəsmilərlə Suriya ilə bağlı təhlükəsizlik toplantısı keçirib və görüşdə “Türkiyənin artan nüfuzu” müzakirə edilib. İsrail mətbuatı baş nazir Netanyahunun “Suriya ilə Türkiyə arasındakı yeni administrasiyanın yaxınlaşmasını narahatlıqla izlədiyini” bildirib. Suriya rəhbərliyinin Homs vilayətinin Tedmur (Palmira) rayonundakı hərbi bazanı iqtisadi, hərbi və siyasi yardım alması qarşılığında Türkiyə ordusuna təhvil vermək üçün Ankara ilə intensiv danışıqlar aparıldığı iddia edilib və Humusun şərqində mövcud olan “Türkiyə hərbi varlığının” İsraili ciddi şəkildə narahat etdiyi vurğulanıb. 27 noyabr 2024-cü ildə Suriyada şiddətlənən qarşıdurmaların ardından 61 illik Baas rejiminin 2024-cü il dekabrın 8-də süqutu ilə eyni vaxtda İsrail ordusunun Suriyaya hücumları artıb. Rejim ordusundan qalan hərbi infrastruktur və obyektləri məhv etməyə davam edən İsrail ordusu Suriya ərazisi olan Qolan təpələrinin işğalını daha da genişləndirməyi hədəfləyir.
Surxay Əliyev
