İsrailin müdafiə naziri Katz qəzzalıların taleyini “qaraldan” təşkilat yaratdı
İsrailin müdafiə naziri İsrael Katz Müdafiə Nazirliyinin baş direktorunun müavini polkovnik Yaakov Blitşteyni “Qəzzadan Könüllü Köçürülmə İdarəsi”nə rəhbər təyin edib.Bu barədə Times of Israel xəbər verir. Bu açıqlama İsrailin təhlükəsizlik kabineti Katzın Müdafiə Nazirliyi tərkibində fələstinlilərin Qəzza zolağından “könüllü şəkildə” çıxmasına icazə verən yeni administrasiya yaratmaq təklifini təsdiqlədikdən bir həftə sonraya təsadüf edib. İsrail Müdafiə Nazirinin Ofisi bildirir ki, Blitşteyn xarici işlər, energetika və nəqliyyat nazirliklərində yüksək vəzifələrdə çalışaraq böyük idarəçilik təcrübəsinə malikdir. Bəyanata görə, onun rolu “üçüncü ölkələrə mühacirət etmək istəyən qəzzalıların təhlükəsiz və nəzarətli yerdəyişməsini koordinasiya etmək, o cümlədən onların hərəkətinin təhlükəsizliyini təmin etmək, sərhəd keçid marşrutlarını təşkil etmək, quru, dəniz və hava nəqliyyatı üçün lazımi infrastruktur yaratmaq” olacaq. Katz bildirib ki, "Biz ABŞ Prezidenti Donald Trampın dünyanın müxtəlif yerlərinə köçmək istəyən qəzzalılar üçün könüllü mühacirət şəraiti yaratmaq vizyonunu həyata keçirməyə sadiqik. Nəticələrimiz göstərir ki, Qəzzalıların ən azı 40%-i mühacirətdə maraqlıdır".
Qeydedək ki,İsrailin atdığı addımlar,ABŞ-ın onu dəstəkləməsi,Katzın“Qəzzadan Könüllü Köçürülmə İdarəsi” yaratması bu dünyanın necə sahibsiz vəziyyətdə,xaos içərisində olmasından xəbər verir.Daha doğrusu bu dünyanın “sahibi”var.Ancaq bu “sahib”{ABŞ} həm acgöz,həm də qəddar və ədalətsizdir.Xüsusən də müsəlmanlara, fələstinlilərə, daha dəqiq desək qəzzalılara qarşı.O ki qaldı Katzın “Nəticələrimiz göstərir ki, Qəzzalıların ən azı 40%-i mühacirətdə maraqlıdır" ifadəsinə bu artıq sözlə ifadə oluna bilməyəcək bir həyasızlıqdır.Bir sözlə bölgəyə gəlmə olan katzlar artıq qəzzalıların taleyini həll etmişlər,onları doğma yurd-yuvalarından didərgin salmaq üçün hər şeyi düşünmüşlər.Bu katzlar yaxşı bilir ki,hər gün başına bombalar yağan qəzzalıların nəhayət ki, “könüllü köç”dən başqa yolları qalmayacaq.Ancaq tramplar,nitanyahular,katzlar bilsin ki,onların bu ədalətsizliklərinin,qəddarlıqlarının müqabilində bir İLAHİ ƏDALƏT də var.
Surxay Əliyev
