Tehran ABŞ-a boyun əymək fikrində deyil
Tehran Times xəbər verir ki, İran Amerika prezidenti Donald Trampın təhdidləri müqabilində ABŞ-a cavab vermək üçün raketləri yerin altına yerləşdirib. Qəzet yazır: "İran silahlı qüvvələri Trampın daimi hərbi əməliyyat hədələri fonunda ABŞ-a bağlı mövqeləri vura bilən raketlər hazırlayıb. Bu buraxılışa hazır raketlərin əhəmiyyətli bir hissəsi ölkəyə səpələnmiş, hava hücumlarına tab gətirmək üçün nəzərdə tutulmuş yeraltı obyektlərdə yerləşdirilib". Tehran Times-ın məlumatına görə, iranlılar istənilən təcavüzə qəti cavab verməyə hazır olduqlarını bildirərək, ABŞ-la bir başa danışıqlardan imtina ediblər.
Bundan əvvəl Tramp bildirmişdi ki, Vaşinqton və Tehran İranın nüvə proqramı ilə bağlı razılığa gəlməsələr, ABŞ İranı görünməyəcək dərəcədə güclü bombardman edəcək.
Surxay Əliyev
