“Vens “Signal” söhbətinə görə Trampa Maykll Ualtsı işdən çıxarmasını təklif edib”
ABŞ-ın vitse-prezidenti Vens və Ağ Evin aparat rəhbəri Suzi Uayls Donald Trampı “Signal” messencerində yazışmalarla bağlı qalmaqala görə milli təhlükəsizlik müşavirini işdən çıxarmağa çağırıb. Bu barədə “Politico” nəşri xəbər verir.”Politico”nun həmsöhbətlərinə görə, Vens, Uaylz və Ağ Evin şəxsi heyət üzrə rəhbəri Serdjiu çərşənbə günü keçirilən görüşdə Trampa Maykl Ualtsı işdən çıxarmasını təklif ediblər. “Politico”nun mənbələrinin verdiyi xəbərə görə,ABŞ prezidenti Uoltsun səhv etdiyilə razılaşıb, lakin sonda "liberal mediaya" və Demokrat Partiyasına əsas verməmək üçün onu hələ işdən çıxarmamaq qərarına gəlib. Materialda deyildiyi kimi, Siqnal qalmaqalı baş verəndən dərhal sonra Tramp administrasiyasında Ualtsın hərəkətləri ilə bağlı qəzəb artıb: Belə ki,o, nəinki yaranmış vəziyyətdə günahını etiraf etməyib, həm də ən azı formal olaraq istefa vermək haqda düşünməyib. Lakin çərşənbə günü Tramp Vens və Uayls ilə görüşdükdən sonra milli təhlükəsizlik müşaviri hadisəyə görə məsuliyyəti açıq şəkildə öz üzərinə götürdü.Bununla belə söhbət haqqında yazan jurnalisti də günahlandırmağa cəhd etdi. “Politico”nun iki mənbəsi Trampın milli təhlükəsizlik müşavirini işdən çıxaracağı fikrini irəli sürüb. "Hələlik onlar (Tramp administrasiyası ) Maykl Ualtsla davam edəcəklər, lakin bir neçə həftədən sonra o, gedəcək"-deyə mənbələrdən biri proqnozlaşdırıb. Hadisə bu həftə “The Atlantic”in baş redaktoru Ceffri Qoldberqin Trampın milli təhlükəsizlik müşavirinin onu səhvən yüksək administrasiya rəsmilərinin Yəmənə zərbələri müzakirə etdiyi Siqnal söhbətinə əlavə etdiyini iddia edən bir xəbər dərc etdikdən sonra başladı. Həm Tramp, həm də onun administrasiyasının rəsmiləri söhbətdə məxfi məlumatların müzakirə olunduğunu dəfələrlə təkzib etdiklərinə görə, Çərşənbə günü “The Atlantic” Yəməndəki hava hücumlarını təfərrüatlandıran yazı dərc etməli oldu.
Surxay Əliyev
